جووووووووطه على الكرسى الساخن ،،،،

[مونتى]

الاعزاء اعضاء وزوار منتديات سامى
نسعد هذه المره باستضافة العضو الجوااااااااااااط
جوووووووووووووطه على الكرسى الساخن

ويسعدنى ان اكون اول المرحبين بجلوسه بيننا
فمليون مرحبا بك جوطه وفى انتظارك بالبطاقه الشخصيه

ولى قدااااااااااااااااااااااااااااااام

[الحلم الجميل]

جوطـــــــة هلا والله بيك فى الكرسى الساخن منور
يلا قول بسم الله وتوكل على الله ، والناس ديل كان سخنو عليك بالاسئلة قول عوك بجي بالعصير
لك التحايــا ولى عودة ...

[* l|¦|l* JoTa * l|¦|l*]

احــم .. احــم

بسم الله الرحمن الرحيم ..
قبل ابداء انا حاســـي بسخـــانه .. :a15:

قلت لي البطاقـــه الشخصـــيه يا مونتي ..؟؟
طيب..

الاســـم : خـــالد حســــــــن
العمـــــر : 17 خريـــف وشهـــر وخمســــه ايــام .. :clown:
( لســـه صغنوني ) ..<<
المؤهل الدراســي : ثانـــوي بس .. لســـه منتظر الجامعـــه ..
الهوايــــــه : التصـــوير - الرســـم
مكـــان الاقامـــه : العزيزيه - الدوحـــه
اممم تاني شنــو ..؟؟ :eek4wd:
المهـــنه : نوم شدييييييد

[Sami]

السلام عليكم و رحمة الله و بركاته
الأخ جوطة أحييك و أحيي التيم العامل على هذا الكرسي:icon31:


أولا: ما سر إختيارك لهذا اليوزر نيم أو هذا اللقب ؟
و هل أنت جواااااااااااااااط كما سمعنا عنك؟:eek4wd:

ثانياً: هل توافقني الرأي فيما يلي؟

1/ أنت إنسان رومانسي
2/ أنت محب للأغاني الهابطة و أغاني الحفلات
3/ أنت شخص كثير اللعب و تميل دائما لزرع الإبتسامة للآخرين
4/ أنت كثيراً ما تساهر :b055w:

أرجو ألا أكون قد سخنت الكرسي أكثر مما هو مسخن:clown:



ثالثا:
- فنانك / فنانتك المفضلة ؟
- فريقك المفضل؟
- شخصية تتمنى أن تشاهدها على الطبيعة؟
- بصراحة و بدون تهرب : عضو تتمنى أن تراه قريباً؟

تحياتي

[* l|¦|l* JoTa * l|¦|l*]

أولا: ما سر إختيارك لهذا اليوزر نيم أو هذا اللقب ؟
الجوووطه بعتبرها هوايه .. وتانيا بقت صفه دائمه عندي
و هل أنت جواااااااااااااااط كما سمعنا عنك؟
جواااط لابعـد الحدود ( جبت لابوي ضغط ) ..:(

ثانياً: هل توافقني الرأي فيما يلي؟

1/ أنت إنسان رومانسي
في حالات نادره جدا :icon26:
2/ أنت محب للأغاني الهابطة و أغاني الحفلات
والله بصراحـــه بحبها لانو بتذكرني الســـودان دايمـــا
3/ أنت شخص كثير اللعب و تميل دائما لزرع الإبتسامة للآخرين
.. ما كثير اللعب .. واسعي جاهدا لكي لا اري انسان حزيـــــــــــــــــــــــــــن
(ليت الزعــــــــــل ممــــنوع ) :lulu15:
4/ أنت كثيراً ما تساهر
ما كثيرا .... بل دائمــــــــــــــا علي طول بساهر :cool:
- فنانك / فنانتك المفضلة ؟
akon - bob marley + ناس الأغاني التحت تحت
- فريقك المفضل؟
( ما عندي علاقه مع الكوره نهائي ) واذا ولا بد هلالابي
- شخصية تتمنى أن تشاهدها على الطبيعة؟
الكل بدون فرز
- بصراحة و بدون تهرب : عضو تتمنى أن تراه قريباً؟
قريبا .. قريبا >> مـــونتي

اح الحمـــد لله ..
لاحـــولا يا ســـامي سخـــنت الحكايه من الأول :icon28:

تحيــــــــــــــــــاتي

[مونتى]

:b055w:

ههههههههههههههههههههههه
:ha3: :eek4wd:
بطل جرسه يا جوطه انت شفت حاجه
حالتو الناس فى عطلة اخر الاسبوع

يعنى سامى دا تمرين خفيف بس

:b18:

[* l|¦|l* JoTa * l|¦|l*]

:b055w:


ههههههههههههههههههههههه
:ha3: :eek4wd:
بطل جرسه يا جوطه انت شفت حاجه
حالتو الناس فى عطلة اخر الاسبوع

يعنى سامى دا تمرين خفيف بس


:b18:


الله يســــتر علينـــــــــــــا :(

[الحلم الجميل]

جوطة ليك التحايـــــــا
اولا : ماذا تعنى ليك الصداقة ؟؟ وهل لديك صديق تحكى له اسرارك ولا بتفضل انك تحتفظ بيها لنفسك
ثانيــــا : اذا دخلت عالم او مجتمع جديد .. هل تثق فى كل الناس وتتعامل معاهم ولا بتكون حذر فى تعاملك ؟
ثالثـــا :مارأيك فى عالم النت ؟ ومارايك فى منتدى سامى بالتحديد
اتمنى مااكون تقلت عليك
تقبل مرورى ..

[روح الروح]

هلااااااااا بجوطه
والله نورت الكرسي الجايط

دا اليوم الدايرنو ليك يا جوطه ومبروك عليك

اتفضل اتفضل ياود امي قنب عى مهلتك
اها تشرب شنو؟؟
بارد ولا حار
ولا تحب منجريه في الكرسي دا
قالو العصيده في البرد دا بتعمل شغل جامد
تعال بعدين الراكوبه شيل ليك كوره
البنوت عاملين عصيده كااااربه

اها اسئلتي ما جاهزه لسه
امشي اشوف لي كم سعال كدا حاراااات يدفوك في السقط دا
واجيك راجعه

تحياتي

[* l|¦|l* JoTa * l|¦|l*]

اولا : ماذا تعنى ليك الصداقة ؟؟
الصداقه هي ثمره من ثمار شجره سعادتي في الحياه

وهل لديك صديق تحكى له اسرارك ولا بتفضل انك تحتفظ بيها لنفسك
انا شخصيا عندي عدد كبير جدا من الاصدقـــاء لكن الاصدقاء الذين ابوح لهم بأسراري وهم يبادلوني نفس الشعور اثنان فقط لا غيــــــــر

ثانيــــا : اذا دخلت عالم او مجتمع جديد .. هل تثق فى كل الناس وتتعامل معاهم ولا بتكون حذر فى تعاملك ؟
بالطبع حأكون حذر اشد الحذر لفتره معينه حتي اتطبع علي طبائعهم واعرف طريقه تفكيرهم ونظرياتهم في الحياه واحس فيهم احساس الترابط والاخوه

ثالثـــا :مارأيك فى عالم النت ؟ ومارايك فى منتدى سامى بالتحديد
اولا : عالم النت عالم مفيد ومهم جدا يتيح لي الاستفاده من خبرات الاخرين وتجاربهم في الحياه وخلق علاقات وصداقات من دول مختلفه والتعرف علي البلدان وانا جالس في منزلي ومنتدي سامي اسره رائعه حقا احسست فيها كأني بين اهلـــي
ولفت نظري اكثر حب الاعضاء لبعضهم وتعاونهم لرقـــى المنتدي واتمني لمنتدانا الحبيب مسيره نحو المستقبل بخطي واعده

اتمنى مااكون تقلت عليك
لا العفو يا بنت اوركيد واسعدني مرورك

فاصــل ونواصـــــل
بــــــــرب

[* l|¦|l* JoTa * l|¦|l*]

هلااااااااا بجوطه

والله نورت الكرسي الجايط

دا اليوم الدايرنو ليك يا جوطه ومبروك عليك

اتفضل اتفضل ياود امي قنب عى مهلتك
اها تشرب شنو؟؟
بارد ولا حار
ولا تحب منجريه في الكرسي دا
قالو العصيده في البرد دا بتعمل شغل جامد
تعال بعدين الراكوبه شيل ليك كوره
البنوت عاملين عصيده كااااربه

اها اسئلتي ما جاهزه لسه
امشي اشوف لي كم سعال كدا حاراااات يدفوك في السقط دا
واجيك راجعه


تحياتي


هههههههههههههههههه
ياروح الروح براحه .. براحه
اخوانا ســـامي وبنت اوركيد ما قصرو
ماتنسي تجيبي معالك برميل مــويه بارده
شكلك كده حتولعي الكرسي :b18:
في انتظارك

[مونتى]

هلا بيك مرة اخرى يا جوووووطه
اريد ان اعرف رايك فى اشياء خفيفه لزوم القزقزه وكده

- مفهوم الصداقة فى نظرك ماذا تعني ؟

- كيف تكون قوي الشخصية بين الناس؟

- كيف تحكم على الآخرين ؟هل تؤمن بالحكم من النظرة الأولى أم لك طريقة معينة فى الحكم على الآخرين؟

- وجه الشبة بين الرجل والمرأه؟

- أولوياتك فى الحياة؟

- مفهومك للحب؟

^^^

ولى قداااااااااااااااااااااااااام

[* l|¦|l* JoTa * l|¦|l*]

مرحــــــــــــب بيكــ مــــــــــونتي

- مفهوم الصداقة فى نظرك ماذا تعني ؟
الصداقه .. كلمه جميله .. ومضمون اجمل والصداقه تغرس في روحي محبه الاخرين واحترامهم واتعلم من تجاربهم لتسري قافله الحياه
- كيف تكون قوي الشخصية بين الناس؟
اكون قوي الشخصيه بين الناس لاني اجسد دور الشخصيه التي يحبو الناس ان يروني بها
- كيف تحكم على الآخرين ؟هل تؤمن بالحكم من النظرة الأولى أم لك طريقة معينة فى الحكم على الآخرين؟
لا احكم علي الاخرين من اول نظره او من المظهر الخارجي _ الناس جواهر _ ودائما في حكمي علي الاخرين لدي طريقه شبيهه بالـtest عباره عن امتحان بسيط لاعرف ما بداخلهم
- وجه الشبة بين الرجل والمرأه؟
وجه الشبه بين الرجل والمرأه > الأختلاف
- أولوياتك فى الحياة؟
_ يؤجل لوقت لاحق _
- مفهومك للحب؟
الحب ليس كلمات تقال ولا اشعار تكتب
الحب لغه يدعي الكل انه يعرفها ولكن لايجيدها الا
القليـــــــــل ,,


حالتي قلت مونتي اليوم نساني :b18:

[اوسلو]

منور الكرسي ياجوطة

في البرد دا الكرسي دا كويس معاك عشان تتدفأ شوية

اها نبدا الاسئلة

1- اسعد لحظة في حياتك؟؟

2- موقف محرج؟؟

3- حكمة تؤمن بها؟؟

4- بلد تتمني زيارتها؟؟

5- متي تحس بالسعادة؟؟

6- كيف تمضي اوقات فراغك؟؟

7- ماهو رأيك في المنتدي؟؟

8- علاقتك بالسياسة؟؟

9- احسن بوست قرأته فى المنتدى؟؟

10- من هو الشخص اللي تتخذه مثل اعلى لك في الحياة؟؟

وبس :b055w:

ولي عودة ان شاء الله :)

[* l|¦|l* JoTa * l|¦|l*]

مرحــــب بيكــ أوســـلو ..

اســـف علي التأخـــــــير

نبدأ ..

1- اسعد لحظة في حياتك؟؟
يوم الحصول علي الشهاده الثانويه وبنجاح وانا كنت لا اهتم بالدراســـه

2- موقف محرج؟؟
المواقف كثيره لكن احدها لا انساهـ وهو في احد المحــلات التجاريه الضخمه رأيت احدا يشبه صديقي فاعتقدت انه هو وبدون تردد ذهبت خلفه وضربته علي راســه :clown:
وعندما نظر الي محنت ماذا اقول او ماذا افعل حتي كلمه اسف ما راضيه تطلع

3- حكمة تؤمن بها؟؟
يوم < ليك < ويوم > عليك <

4- بلد تتمني زيارتها؟؟
كل البلدان ولكن بالأخص اليونان

5- متي تحس بالسعادة؟؟
عندمــا اكون وسط احبابي واصحابي

6- كيف تمضي اوقات فراغك؟؟
النووووم و بسمع bob marley

7- ماهو رأيك في المنتدي؟؟
منتدي رائع - مترابط كأسره واحده - يتقدم نحو الامام بخطي ثابته وقويه

8- علاقتك بالسياسة؟؟
نفس علاقتي بالكوره

9- احسن بوست قرأته فى المنتدى؟؟
كلها بوستات رائعه ولكن .. صور من السودان افضلها ياريت كل الاعضاء يشاركو فيه

10- من هو الشخص اللي تتخذه مثل اعلى لك في الحياة؟؟
اولا : الرســول صلي الله عليه وسلم - بليه الوالـــــد ( اطال الله عمره )

[اوسلو]

ياهلا بيك ياجوطة

جيتك تاني راجعة معاي سندويتشات وعصير لانو شكلك سخنت وجعت :a15:

نبدأ

1- ماذا يعني لك التفاؤل ؟

2- أكلتك المفضلة؟

3- ما هي نوعية المواضيع التي يجب أن تطرح حتي نطور المنتدي؟

4- هوايتك المفضلة التي تحب ممارستها؟

5- مواصفات فتاة احلامك؟؟

خلاص كفاك بعد دا بجيك تاني :a15:

[مونتى]

هلا جوطه مره اخرى
جيتك ومعاى سنتدوتشات وبااارد
وكمان اسئله خفيفه كده :ha3:

- شىء تتمني ان يتحقق ؟

- ما هى الصعوبات التى واجهتك ؟

- موعظة تُحب ان تذكرها لنا ؟

- شىء أحزنــــــك ؟
- شخصية لا تمل منها وتتمنى ان لا تفارقها ؟




- ما هى المواضيع التى أعجبتكِ ؟

- ما الذى شد انتباهك فى المنتدي ككل ؟

- أى الاقاسم تفضل ؟ ولماذا ؟

- ما هي اقتراحاتك ؟


- ما هو رأيك فى آدم السوداني فى الوقت الحالى مقارنة عن ما مضى ؟

- رأيك فى المنتدي من حيث :-
1/ سلبياته؟
2/ ايجابياته؟
مواصله طيبه

[dalal]

الصديق الصغير جوووووووووووووووووطه تحياتي ليك ونورتنا شديد والله

طيب نجي للأسئلة :

متى ذرفت أول دمعه وماهو السبب ؟

هل تقبل كلمة آسف من شخص أساء إليك ؟

متى تضحك من الأعماق ومتى تبكي بحرقه ؟

هل أتاك إحساس إنك طاير فوق السحاب في يوم ما ؟

ماهي مواصفات شريكة حياتك في المستقبل (البعيد) لأننا مابنعرس ليك حسي


ولي عودة

[روح الروح]

دا شنو يا جماعه
ادونا معاكم فرصه في الولد دا
الله؟ :eek4wd:

جبتا اسئلتي لقيتهم سألوها كلها
الا امشي واجي تاني
اوعك تقوم يا جوطه:b18:

خفو على الولد ما يشرد مننا

[* l|¦|l* JoTa * l|¦|l*]

:ohmy: :ohmy: :ohmy:

دي شنو الزحمـــه دي يا حبايبنا ..؟؟

والله انتو حقارين عشان لاقني صغنوني << :(

طيب حجاوب بالدور اصبرو لي

[* l|¦|l* JoTa * l|¦|l*]

مرحــــبا اوسلو .. نبدا


1- ماذا يعني لك التفاؤل ؟
امل حياتي وانا دايما متفاءل علي طول :lulu18:

2- أكلتك المفضلة؟
فــول الســودان العظيم

3- ما هي نوعية المواضيع التي يجب أن تطرح حتي نطور المنتدي؟
انشــاء منتدي للغات وتقافات البلاد الاخري :icon31:

4- هوايتك المفضلة التي تحب ممارستها؟
التصـــوير - الرســـم

5- مواصفات فتاة احلامك؟؟
لســـه ان صغنوني بعد اكبر بعدين بفكــر
:a15: :a15:

[* l|¦|l* JoTa * l|¦|l*]

نورت بيتك يا مونتي ... يلا

- شىء تتمني ان يتحقق ؟
الاحلام كثيره لكن اتمني ومن كل قلبي ان يسود الامان والسلام في بلدنا الحبيب

- ما هى الصعوبات التى واجهتك ؟
للأن والحمـــد لله لم أمــر بصعوبات تذكــر ( دووم يارب )

- موعظة تُحب ان تذكرها لنا ؟
اعمل لدنياك كأنك عيش ابدا .. واعمل لاخرتك كأنك تموت غدا

- شىء أحزنــــــك ؟
البعـــد عن الســـودان والاهل والاحباب

- شخصية لا تمل منها وتتمنى ان لا تفارقها ؟
صديقي المفضل الذي يكتم كل اسراي ولا اشعر معه بالملل
(الكمبيوتر ) :)




- ما هى المواضيع التى أعجبتكِ ؟
صور من السودان _ منتدي الالعاب بأكمله

- ما الذى شد انتباهك فى المنتدي ككل ؟
المواضيع المميزه والمحبه الوارفه بين اعضاء شجره المنتدي

- أى الاقاسم تفضل ؟ ولماذا ؟
قسم النكــــات والفرفشـــه :a15: لانو مهما كان الانسان متضايق او زهجان بالمعني الاصح فيجد فيه الراحه

- ما هي اقتراحاتك ؟
اضافه منتدي لتراثيات السودان _ واخر لثقافات وتاريخ البلاد الاخري

- ما هو رأيك فى آدم السوداني فى الوقت الحالى مقارنة عن ما مضى ؟
ليس لدي فكره عن ادم عما مضي ولكن بالطبع الحــالي افضل من حيث التعليم
والافكــار المستقبليه ادم السوداني هذا العصر يتطلع ليوم غدا بعيون مشرقه وابتسامه امل المستقبل الواعد

- رأيك فى المنتدي من حيث :-
1/ سلبياته؟
ليس هناك سلبيات ولكن هناك ملاحظه شخصيه وهي تجاهل بعض المواضيع
وعدم الرد عليها فجميع الاعضاء يتركزون في قسم الالعاب اكثر من باقي الاقسام

2/ ايجابياته؟
قسم التعارف قسم ايجابي لانه يقوي علاقتنا مع بعضنا ويولد الحب والصداقه بيننا
وكذلك الكرسي الساخــــــــــــــــــــــــن :(


والله يا مونتي الله يوريني فيك يوم :b18:

[* l|¦|l* JoTa * l|¦|l*]

هلا .. وغلا .. يا خالتو دلال .. :grin:

متى ذرفت أول دمعه وماهو السبب ؟
اول دمعــه اتذكرها كانت في حين تعرضت الوالده لحادث مروري
ومكثت قرابه الخمس شهور في المستشفي فكانت اول دمعه حين سمعت الخبر

هل تقبل كلمة آسف من شخص أساء إليك ؟
بصراحه ما بقبلها في حاله الاساء ولكن في اي حاله اخري احتمـــال اقبلها

متى تضحك من الأعماق ومتى تبكي بحرقه ؟
انا ضاحك علي طــول :lulu18: وابكي حين اتلقي جرح من اعز الناس

هل أتاك إحساس إنك طاير فوق السحاب في يوم ما ؟
نعم , كان اول يوم لي في المدرسه الثانويه كان عالم اخر غير الذي كنت فيه

ماهي مواصفات شريكة حياتك في المستقبل (البعيد) لأننا مابنعرس ليك حسي
اول حاجه تكون COOL ما تكون نكديه :b18: والدين ولاخلاق والحاجات دي :a15: وباقي الصفات لمــا اكبر بعدين اشــوف :icon31:

[* l|¦|l* JoTa * l|¦|l*]

والله يا ناس صدام حسين ما عملو ليه كــده ..:a15:

ارحمــوني شـــويه .. قربت اهــرب :clown:

يلا يا روح الروح في انتظارك انتي كمـــان :(

[مونتى]

والله يا مونتي الله يوريني فيك يوم :b18:


ههههههههههههه كان كده ما دقسته

:laughing::clown::a15::lulu18:

[حمزة]

تحية وتقدير اخي جوطة ومرحبا بيك في الكرسي .شوية اسئلة كدة بس.
زكرت بانك في انتظار الجامعة ستكون في السودان ولا مكان اخر ؟وماهي الكلية التي تحب ان تلتحق بها؟ رائك شنو في الخدمة الالزامية وهي مرتبطة بالجامعة والشغل في السودان؟
-حلم تمنيتة واقع؟
كلمة تحب ان تقولها لاعضاء المنتدى بصراحة؟

[* l|¦|l* JoTa * l|¦|l*]

مرحب بيك اخ ميزو وبأسألتك



زكرت بانك في انتظار الجامعة ستكون في السودان ولا مكان اخر ؟وماهي الكلية التي تحب ان تلتحق بها؟
ان شاء الله سأكون خارج الســـودان في جامعــه ( قونزوا ) في مدينه شنقهاي بجمهوريه الصين العظمي وحأودعكم قريب :( لانو باقي علي الجامعه شهر ونص :(


رائك شنو في الخدمة الالزامية وهي مرتبطة بالجامعة والشغل في السودان؟
هي خطوه ايجابيه لحمايه السودان وانتاج اجيال لحمايه الوطن والارض ولكن فكره اقترانها مع الدراسه والعمل تزيد من مشاكل الطلاب وتفكيرهم بالهجره او الدراسه بالخارج

-حلم تمنيتة واقع؟
تمنيت ان تكون اسره منتدي ســـامي جميعها في بلد واحد ومكان واحد حتي تتاح لنا فرصه التعارف اكثر وما تكون جمعتنا في المنتدي بس

كلمة تحب ان تقولها لاعضاء المنتدى بصراحة؟
بصراحه منتدي سامي اكثر منتدي احس فيه بالراحه والاعضاء بمثابه الاخوان والاخوات واقول لهم ( معــــا يــد بيـــد نحــــو رقـــــي المنتدي )

[روح الروح]

جووووووووووووووطه
والله ما ادوني فرصه معاك الناس ديل

اسمع.....

ماهو السؤال الذي كنت تخاف انو تتسألو؟
ودايرين اجابتو اكيييييييييييييييد

[remaz]

ماشاء اللة ما فضل اسئلة عشان نسئلها مرحب بيك يا ابو الجوطة في الكرسي الساخن


هل أنت شخص خجول ؟؟


ما هو أهما لونك المفضل؟؟


ما هو أهم شيء في حياتك ؟؟؟


وما اجمل شي في الحياه؟؟


ماذاء تفعل في اوقات فراقك غير دخول النت؟؟؟


ما هية احلى كلمة سمعتها وكلمة لا تحب سماعها ؟؟


عندك ثلاث وردات لمين تهديهم؟


ما هي امنيتك بي الحياة؟؟؟


ما هي افضل اكلة بالنسبة ليك؟؟؟


لية عودة ان شاءاللة

[* l|¦|l* JoTa * l|¦|l*]

ماهو السؤال الذي كنت تخاف انو تتسألو؟

ودايرين اجابتو اكيييييييييييييييد


:b18: :b18:
كنت خايف حــد يســألني وزنكــ كم ؟؟:(

ضعييييييييييييف ... :(

[* l|¦|l* JoTa * l|¦|l*]

هل أنت شخص خجول ؟؟
مع الاصحـــأب ماخجول ولكن في احيان اخـــري خجول :clown:


ما هو أهما لونك المفضل؟؟
الاســـــــود & الابيض ..>> غريبه :lulu18:

ما هو أهم شيء في حياتك ؟؟؟
رضا الله ورضــا الوالدين

وما اجمل شي في الحياه؟؟
النجـــــــــــــاح

ماذاء تفعل في اوقات فراقك غير دخول النت؟؟؟
اســـــمع اغــــاني


ما هية احلى كلمة سمعتها وكلمة لا تحب سماعها ؟؟
الكلمات الحلوه كثيره ولكن واحده لا اود ان اسمعها ( المـــوت ) :(

عندك ثلاث وردات لمين تهديهم؟
الاولــي للوالده
الثانيه لاعضاء المنتدي
الثاثه لاصحــــابي

ما هي امنيتك بي الحياة؟؟؟
انتهي من الجامعه سريييييييييع

ما هي افضل اكلة بالنسبة ليك؟؟؟
الفـــــــــــــــــول


لية عودة ان شاءاللة
ماتتعبي نفسك ياخيييييييي مافي داعي تجي تاني :b18:



الحمــــــــــــد لله الليله مونتي نساني

[مونتى]

كل التحايا لك يا جوووووووووطه

ونأسف لأنقطاعنا عنكم وجيناكم والشوق يسبقنا .



ما هي اطرف المواقف التي مرت بك بالتفصيل الممل ؟

[مونتى]

ايضاح

اليوم آخر يوم لاستقبال اسئلة واطروحات الاخوة الاعضاء على جلوس اخونا جوطه

بعد ذلك فى انتظار ردود جوطه على ما سبق حتى نبدأ مشوار جديد على الكرسي الساخن ..



سلامى للجميع ..

[LoOolA]

Hi
دي اسئله لولا لازم تجاوب وبصراحه بلييييييييييز . ما تخلي حاجه فاضيه ولا بالجد حازعل تزعل اختك ؟ بقدر الامكان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
1- منو انت؟زي ما انت شايف ؟


2-متى اخر مرة ضحكت من قلبك؟ وليه؟


3- اخر مرة بكيت من قلبك؟وليه ؟


4-هل حسيت في يوم من الايام بالضعف؟ومتى كان؟


5-من الشخص الي تتمنى انو يأخذ فرحك علشان ماتشوفه حزين؟


6-اذا كنت متضايق شنو اولحاجه تفكر تعملها ؟

7-شنو احلى ذكرى في حياتك ومستحيل تنساها؟


8-آخـــر شخـــص تتـــذكــــره قبـــل ما تنـــــام؟!؟


9-كم شخص عندك في المسنجر ؟ههه:lulu18:


10-كم سـاعه تجلس ع الكمبيــوتر ؟بالجد ؟


11-هل فعلا انت مرتاح في تواجدك في المنتدى و مع الاعضاء ؟


12عضو يستحق الصداقه؟


13-عضو شفتة و عضو نفسك تشوفه ؟

14-عضو شخصيته مثل شخصيتك ؟


15-عضو تعجبك شخصيته؟:)


16 ـ رايك شنو في الحب ؟ :eek4wd:

17 ـ حبيت وحده وشوكشتك ( سابتك ) رد فعلك ايه ؟ :ha3:


18 ـ بتسمع روك اند رول وخاصه (avril-lavign)؟:)

19-ماهي أعظم صفة تفضلها ؟

20ـ سر لاول مره تقوله لنا؟؟

21 ـ شخص تفتقده ,, من هو ؟؟ ليس شرطا ان يكون عضوا !


22- ماهو اكثر شي يحرجك ؟؟


23ـ شيء حدث بحياتك غير مجرى حياتك ؟؟

24ـ ـ هل بحياتك قصة حب الان. سابقا . ؟ :lulu18:


25ـقرار اتخذته وتسرعت به ومن ثم ندمت عليه؟؟

26 ـ كلمة تتمنى سماعها كل يوم ؟؟

27 ـ فنانه او فنان شكلها او شكله بيعجبك ( غربي طبعا... ثقافتي غربيه ) ؟:ohmy:



اكيد انا سالتك الاسئله البااايخه دي عشان اعرفك اكتر وانت لو ما عندك مكانه عندي ما كنت حاتحمس عشان اجيب اسئله زي دي يا ريت ما تزعل ؟ ولو في اسئله ما عايز ترد عليها اعمل تحتها ـــــــــــ ؟ بس حاول بقدر الامكان عشان ما تقولو مفتريه وبعدين الاسئله ما جريمتي وحدي معاي صحبتي ؟ :grin:

[مونتى]

جووووووووووطه شنو ياراجل لا حس ولا خبر
اظهر وبان وليك الامان

[* l|¦|l* JoTa * l|¦|l*]

والله يا مونتي صعبتها عديل كده

الواحد ما يهرب يعني ..؟؟:a15:

طيب نجاوب علي لولا دي وبعدين برجع ليك

شايف لولا جايبه لي شويه اسئله كده اتونس بيها

[* l|¦|l* JoTa * l|¦|l*]

والله يا لولا ما بقدر اقول حاجه حأجاوب وامري لله

1- منو انت؟زي ما انت شايف ؟
انا انسان حبوب بحب كل الناس اجتماعي ما بحب النكد


2-متى اخر مرة ضحكت من قلبك؟ وليه؟
اخر مره قبل ساعتين كده السبب اتصل علي واحد مصري انا ما بعرفو اتونس معاهـ
وجريت في الونسه في الاخر قلت ليه الرقم خطأ وتعالي شوفي السب خلصت ليه الكرت كلو


؟3- اخر مرة بكيت من قلبك؟وليه
اخر مره بعيد لكن حبكي قريب عشان مسافر مودع الاهل والاحباب :(


4-هل حسيت في يوم من الايام بالضعف؟ومتى كان؟
لم يمر علي يوم احسست فيه بالضعف الا امام الله


5-من الشخص الي تتمنى انو يأخذ فرحك علشان ماتشوفه حزين؟
الوالــــــــدهـ


6-اذا كنت متضايق شنو اولحاجه تفكر تعملها ؟
بســمع اغاني بس

7-شنو احلى ذكرى في حياتك ومستحيل تنساها؟
ايـام الصف الثالث ثانوي بمدرسه التفوق في السودان ( الحصاحيصا )


8-آخـــر شخـــص تتـــذكــــره قبـــل ما تنـــــام؟!؟
كافي داعي للاحراج يا لولا ( المهم انو شخص بفضلوا علي جميع الناس )


9-كم شخص عندك في المسنجر ؟
مع انو محرج لكن حأقول >> الايميل الاول 59 والتاني 41 بس
بدون حسد ( قل هو الله احد )


10-كم سـاعه تجلس ع الكمبيــوتر ؟بالجد ؟
مدهـ الثمانيه شهور المضت اجلس حوالي 9ساعات بس والباقي نووم وطلعات


11-هل فعلا انت مرتاح في تواجدك في المنتدى و مع الاعضاء ؟
فعلا مرتاح اكتر من اي منتدي اخر بالجد


12عضو يستحق الصداقه؟
الطائر الحزين :( اكتر واحد صحبي


13-عضو شفتة و عضو نفسك تشوفه ؟
للحين ما قابلت واحد بالمنتدي واتمني اشوف الكل والله

14-عضو شخصيته مثل شخصيتك ؟
لا أحـــــــــــد .. :clown:


15-عضو تعجبك شخصيته؟
مونتي + اوسلو + روح الروح كبار الاعضاء


16 ـ رايك شنو في الحب ؟
انا صغنوني علي الكلام دهـ يا بت لســـه بدري

17 ـ حبيت وحده وشوكشتك ( سابتك ) رد فعلك ايه ؟
انا ما حصلت لي لكن بسمع من اصحابي بقولو اصعب حاجه في الحب الشواكيش


18 ـ بتسمع روك اند رول وخاصه (avril-lavign)؟
no

19-ماهي أعظم صفة تفضلها ؟
الصــــــــــــــــــــــــــــــــــــــــدق

20ـ سر لاول مره تقوله لنا؟؟
للاســف بقي لي معاكم ايام معدوده

21 ـ شخص تفتقده ,, من هو ؟؟ ليس شرطا ان يكون عضوا !
كل اصحابي بالسودان ليهم وحشه والله


22- ماهو اكثر شي يحرجك ؟؟
لما اقول نكته وما حد يضحك :b18:


23ـ شيء حدث بحياتك غير مجرى حياتك ؟؟
حياتي طبيعيه وفي مجراها الطبيعي الحمد لله


24ـ ـ هل بحياتك قصة حب الان. سابقا . ؟
الان .. لا سابقا .. كانت ولكن المكتوب علي الجبين لازم تشوفو العين


25ـقرار اتخذته وتسرعت به ومن ثم ندمت عليه؟؟
لا يوجد

26 ـ كلمة تتمنى سماعها كل يوم ؟؟
كلمه تعودت علي سماعها واتمني اسمعها يوميا ( ياود كفاك نوم خلاص اصحي ) دي الوالده طبعا

27 ـ فنانه او فنان شكلها او شكله بيعجبك ( غربي طبعا... ثقافتي غربيه ) ؟
من حيث الشكل bow wow
من حيث الصوت akon

اوووووووف الحمد لله

[LoOolA]

جوطه يا عسل
تسلم من جد اتوقعتك ما حتجاوب
بس بالجد تسلمليا وربي خليك لينا
وبعدين ليه ايام معدوده ؟ هوي شكلك بتستهبل ؟ انتبه عندي مشاكل في الضغط
عايز تمرضني
انا الشمار عايز يقتليني ده منو الي بتفتكرو قبل النوم ؟
بس ابداع انت
شخصيه حلوه خااااالص
ربنا يخليك لماما وبابا وللمنتدى
:):):):):):):):):)

[مونتى]

:clap3::clap3::clap3::clap3:
عضونا الجوااااااااااط المحبوب جووووووطه
سعدنا بتواجدك على الكرسى الساخن طول هذه المده
واعزنا ان اطلنا عليك الجلوس
افتح لك المجال طبعا بعد ما تورينا الموقف الطريف
لتكتب لنا كلمه اخيره وتزين اخر مشاركاتك بالكرسى
بالتوقيع عليها ،،،،،،،

وننتظر ترشيحك لمن يجلس بعدك برساله خاصه طبعا


ولى قداااااااااااااااام

[* l|¦|l* JoTa * l|¦|l*]

ما هي اطرف المواقف التي مرت بك بالتفصيل الممل ؟


بسم الله نبدأ

اعزروني معليش لاني حستخدم اللغه الدراجيه :lulu18:

المواقف الطريفه كثيره جدا اكاد حتي لا اذكرها ولكن ساروي لكم احداها
في اول يوم لي في كورس اللغه الصينيه الفصل مكون من طالبين و3 طالبات + المدرسه
كالعاده دخلت مبتسم ( للضرس الاخير ) قامت المدرسه قعدت تستهبل علي بالصيني
عشان انا اول حصه وما فاهم اي شئ نظام اضحكو فيني شويه سألتني تشرب شاي ولا قهوه بالصيني ( نِي شِيانغ كآفي خآ جّـآ ) وطبعا انا لا افهم شئ فكنت عاوز اعمل
فيها شاطر واجاوب تخيلو جاوبت شنو ( i am from sudan ) هههههههههه
لاني متوقع اول سؤال تسالني انت من وين ؟؟
والجماعه قعدو يضحكو علي قرابه النصف ساعه :(
الله يسامحهم :(
وانا منظري بقي محرج حاسي بنفسي صغيييييييييييير من الاحراج
وكان باقي الحصه كلها ضحك × احراج + ضحك = حصه فلــــــــه

[* l|¦|l* JoTa * l|¦|l*]

جوطه يا عسل


تسلم من جد اتوقعتك ما حتجاوب
بس بالجد تسلمليا وربي خليك لينا
وبعدين ليه ايام معدوده ؟ هوي شكلك بتستهبل ؟ انتبه عندي مشاكل في الضغط
عايز تمرضني
انا الشمار عايز يقتليني ده منو الي بتفتكرو قبل النوم ؟
بس ابداع انت
شخصيه حلوه خااااالص
ربنا يخليك لماما وبابا وللمنتدى




انا عسل ؟؟؟ :eek4wd::eek4wd:
والله احراااااااااااااااااااااااااج
اول مره حد يقول لي كدهـ
انا امي لما تدلعني تقول لي يا بصل :b18:
هههههههههههههههههههه
وربنا يخليك انتي كمان يا لــــــــــولا

[* l|¦|l* JoTa * l|¦|l*]

عضونا الجوااااااااااط المحبوب جووووووطه
سعدنا بتواجدك على الكرسى الساخن طول هذه المده
واعزنا ان اطلنا عليك الجلوس
افتح لك المجال طبعا بعد ما تورينا الموقف الطريف
لتكتب لنا كلمه اخيره وتزين اخر مشاركاتك بالكرسى
بالتوقيع عليها ،،،،،،،

وننتظر ترشيحك لمن يجلس بعدك برساله خاصه طبعا



ولى قداااااااااااااااام


اعضـــــــاء منتديات ســـــــــامي اشكركم كل الشكر ولكـــم مني كل التحيه ..
ولاحـــــــترام وانا سعيد جدا لاني متواجد معكم في هذا المنتدي الجميل
وشكر خاص للاستاذ مونتي لاستضافته لي في هذا الكرسي الذي ينبض بكل الحب
والحنان ولالفه المتبادله بين اعضاء منتدي سامي
وانها لفرصه سعيده لكــــــي تتعرفو علي حياتي وطبيعتي وتصرفاتي وصفاتي
وفعلا فكره رائعه واسئله اروع واعضاء تعجز الالسن عن وصفهم
واخيرا تحياتي لكل صاحب قلم في هذا المنتدي وشكر خاص للاداره والمشرفين والمراقبين

تقبلو تحياتي
اخـــــوكمـ
> JOTA <