كلام سوداني لذيذ( مصطلحات )

[غايب السنين]

بشكة = فردة : صديقك
حناك = انسان كلامه حلو ويخش الراس على طول
دبيب = الولد البنحشر في الصيوان علي طول( جيب العشاء يا ولد)
مرطب = الغني وحالته مرتاحة
شفت = مفتح :انسان يعرف اي شي
مسطح = فارة = طيرة = ما ناقش = كيسه فاضي : انسان ما يفهم اي شي
ركبه التونسية = دقسته : يعني غشيته او خدعته
ربة = حفلة
الحاجة دي دسيسة = كاسرة فيني ضلع = قاطعة فيني عرق = كاسر فيني ربس : تعجبني مرة
اتجدعت = انبسطت وروقت
عاضة = بايخة
ضحاكات = الفلوس
هواه قايم = فلسطين : مفلس طفرااااااااااااان
فاكة منه = ضارب سلك = لافي صينية : مجنون
شديدة = شرط للأرض : البنت الحلوة
اتلحس = مات
سطالايت = راكب فيل : انسان سكران
اتفقع = اتسرق
رافعه القزاز = تقال للبنت المتكبرة اللي ما تعطي وجه
رمتالي = شماسي :مهاجد وما شابه
شرحبيل = اذا واعدت انسان وما جاك
كرسي الشهيد = الكرسي الجنب السواق
كنبة شكرا = اخرمقعد في الحافلة
حبكانه = حب و ريدة
عمك = راجل كبير
عضة : تشومة : منجرية = اكل
حديدة = عربية او سيارة
قرض = بخيل
اب صفيحة = عسكري
اعمل نايم = انسى وما تشتغل بالموضوع
لاند كدر = رجلية او تمشي برجلك
كبس = جاء
جولة حول الدولة = عندي لفة
اتفكفك: شتت : اقطع وشك = امشي
مدردقة = ماشي الحال
دامة = بنت
10 قافلة = الولد الحلو
ماكل كباب = احوص
التعامل انجليزي = فارز عيشته :الشخص الوحيد والذي يحب الوحدة
دق جرس = شاكلني
ضباح ( ضبحني ليك ضبحة) = يعني فكاها فيني او كضب علي
قداد = براي : كثير الكلام

حتى الكوبيوتر ما سلم من الكلام هذا

hp تقيل = حب تقيييييييييل
color ولا ما color = البت دي سمحة ولا ما سمحة
سليرون ولا انتل = يعني جماله طبيعي ولا مضروب
عايزة كي بورد تقيل ولا alt+ctrl+delete = يعني بت راسها خفيف ولا عايز ليهو حنك تقيل

[غايب السنين]

<CENTER>

بحلقة : هى النظر فى بلاهة وغباء وإندهاش كمن ينظر إلى بطاقات أسعار السلع فى ذلك المول الشهير
برطمة : البرطمة هى التفوه بكلام غير مفهوم كذلك الذى يتفوه به الموظف عند إنتهاء مرتبه يوم خمسة فى الشهر
بستفة : بستف فلان علان أى أفحمه وما خلى ليهو جيهه يرقد عليها
بصبصة : البصبصة هى النظر إلى الشئ فى خفاء وهى عادة يمارسها الرجال المتزوجون
بطبطة : هى حالة تصاحب عدم المقدرة بالوفاء بالإلتزام فى وقته وهى أقرب إلى الجقلبة سوى أن الأخيرة يصاحبها حراك وصراخ فى أغلب الأحوال
بعزقة : تطلق حصرياً على المال دون سواه خاصة إذا كان مالا عاماً والبعزقة لغة هى إخراج المال وصرفه فى غير موضعه وفى أكثر من جهه
بلبصة : (أنظر دهنسة)
بشتنة : أنظر إلى النفايات فى الاسواق والشوارع وإنتا تعرف على طول
تركشة : هى المواربة وتستخدم للباب دون سواه يقال تركش معاك الباب أى أجعله موارباً والتركشة تعنى أيضاً ذهاب العقل و(الجنترة) يقال أن فلان زول متركش أى مرشح لإحتلال إحدى الصوانى البقت مافى دى
جرجرة : هى أن يفضى بك إجراء إلى إجراء آخر حتى تطلع روحك وهى عادة تستخدم عند متابعتك لأحدى المعاملات الحكومية
جقلبة : أنظر بطبطة
حمبكة : هى فعل يستخدم عند عدم الرضاء بالنتائج على الرغم من صحتها يعنى (خرخرة) ساااكت !
حندكة : هى الفعل الذى يصاحب إظهار شئ (لذيذ) – لحمة ضانى مثلاً- لشخص لا يستطيع إمتلاك مثله كناية على (تعذيبه(
خرمجة : هو الما مخرمج شنو؟ دى بالذات ما عايزه ليها شرح
دبرسة : هى فعل يتناسب طردياً مع (الفلس) وخلو الجيوب من (الضحاكات) أى الدنانير
دربكة : يمكنك مشاهدة هذا الفعل (بدون ما نشرحو) عندما يصل مهاجمو فرقنا الكروية إلى منطقة جزاء الفريق الخصم
دردرة : يمكنك معايشة هذا الفعل تماما بالنظر إلى حال المغتربين بالخارج
سركنة : هى بذل المال بسخاء ، وللموظفين حاسة سادسة فى معرفة الزول المتسركن من الزول (الجلدة)
دهنسة : أنظر بلبصةسلبطة : هى إدعاء الشخص إمتلاك شئ لا يخصه سلبطة ساااكت يعنى
سلوحة : هى النحافة الشديدة يقال أن فلان مسلوح أى أنه يعانى نقصاً حاداً فى البروتين الحيوانى (ح يجيبو من وين يعنى؟) !
شحتفة : شحتفة الروح حالة كانت تصيب النساء دون الرجال (هسه ما عارف كيف؟) ويمكن أن تطلق على الشئ القليل الصغير كقول إحداهن : ده عشاء شنو المشحتف ده؟ العريس ده اصلو كان مغترب فى الشكينيبة؟
شربكة : تداخل الأشياء بعضها ببعض حتى تصعب إعادتها إلى حالها الأول (زى حالتنا دى)
شركنة : حالة يحس فيها القلب بالشك وعدم الإرتياح وتصور قدوم الأسوأ كالحالة التى أصابت المواطن بعد إعلان وزير المالية بأن (آخر الكى) لسه ما وصلنا ليهو !
شرمتة : شرمت الشئ أى قطع من أطرافة وأخذ منها وخريطة مشرمتة أى كالتى سوف تؤول إلينا بعد الإنفصال
شفتنة : أنظر همبتة
شمشرة : التلصص لمعرفة اسرار وأخبار الآخرين وفاعلها يقال له (شمشار)
ضكرنة : يا حليلا .. (أمبارح مشيت الحلاق أحلق لقيت شاب طول فى عرض الحلاق قاعد يشيل ليهو فى حواجبينو )
طربقة : الكلام الفاضى على أن يكون متواصلاً وبدون إنقطاع ..
طرطشة : التهور وفقدان البوصلة وزول مطرطش أى زول غبيان ساااكت كما أن الطرطشة نوع من الطلاء الاسمنتى تطلى به جدران المنازل الخارجية لتبدو وجيهة أيام العمارات فى البلد كانت بالعدد .
عجرفة : تكبر وإستعلاء
عصعصة : أنظر سلوحة
عكلتة : الإلتصاق بالشئ على الرغم من عدم إستيفائك لشروط ذلك على الرغم من المحاولات المتعددة عشان يفكوهو منك (شوفوا عندنا كم زول عكليت)!
غطرسة : عجرفة لكن زائدة حبتين
قرطعة : هى شرب الماء بسرعة (طبعن خوفاً من رؤية الطحالب) !
فرفشة : مرح وحبور كالذى شاهدناه يصيب النواب لحظة إجازة زيادة الأسعار
فهلوة : شطاره إنتهازية والفهلوى هو ذلك الشخص الذى يستطيع بناء عمارتين على الرغم من إنو لسه ما إتثبت فى وظيفتو !
كبكبة : شوف حال المدير والموظفين عن مرفق معين عند زيارة السيد الوزير وإنتا تفهم أيه يعنى كبكبة !
كرمشة : تجعدات تصيب الجلد بفعل التقدم فى السن لا تظهر على رؤساء الأحزاب السياسية لدينا (تظهر كيف مع الراحات دى؟)
كشكرة : هى دعوة الشخص لآخرين لمشاركته شئ يخصه بينما يتمنى فى داخله ألا يحدث ذلك
كشكشة : لها عدة معان كقولهم : بالله كشكش لينا الزول ده كان نطلع لينا منو بى قرش قرشين (أى حاولو لينا) ، كما تستخدم دلالة على ذهاب العقل فيقولون فلان (مكشكش) أى (أسلاكو ضاربة) كما أن الكشكشة هى وضع ترديف قماش (الفستان) فى شكل طبقات عند الخصر (لمن كان فى فساتين)
كنكشة : هى التشبث الشديد بالشئ لفترة طويلة (أنا قلتا حاجة؟)
مزمزة : أكل (الأطايب) فى تأنى وهدوء وتلذذ .. (فى فول بيمزمزوهو؟)
همبتة : هى قطع الطريق ولكن بدون (إيصالات)
هترشة : أنظر طربقة
هنضبة : تحوير وتحويل لسانى للجملة الإنجليزية Hands-Up والتى ترجمتها (إيدينكم فوق) وكان إستخدامها يقتصر على أفلام الكابوى إذ كان البطل يهنضب (الخيانة) كما تهنضب الأسعار الآن المواطن ! كسرة :
معقولة؟ تصوروا نسيت أشرح كلمة جغمسة !

</CENTER></B><!-- / message -->

[falcon-994]

يديك العافية استاذ غايب

وتقبل مروري ....

[الغسينابي]

الف شكر ياغالي
وغايتو في شئ حرم اول مرة اسمع بيه
البلد دي اتغيرة بعدينا ولا شنو

[غايب السنين]

falcon-994 تشكر يا باشا ع المرور الا توقيعك مو حلو .. البرشا تعني متعة كرة القدم .
الغسينابي هلا وغلا بيك بس ماعرفت الشي الاول مرة تسمع بيهو ...
البلد اتغيرت كتير يا ولدنا بقت عمارات ودقون وكروش كبيرة وايدين ناعمة وملسا واييك حكايات ...

[يوسف مدير]

جغمسة وأخواتها
خرخرة: وهي كثرة المجادلة وعدم الاقتناع بنتيجة الحكم.
فرفرة: يقال فرفة مضبوح اي الرفس بعد الذبح وايضا الابتعاد عن المواضيع ومنها ايضا التفريق والتقسيم للاشياء.
شمشمة:وخاصة للاخبار والشماراتهي اصبحت خاصية غير معنية بالانف فقط حيث تحتل الاذن نصيب الاسد هنا واللسان نصيب الضبع والانف نصيب الثعلب.
قرمطة: وتعني التضييق من قرمط يقرمط.
كركبة: وهي الضجيج خاصة للعدة الفاضية.
كندشة: ترطيب شديييييييييييييييييد.
برطعة: البرطعة هي جريان الحمار بسرعة شديدة.
بزبطة: لغة يستعملها العساكر، انظر بطبطة.


ولنا عودة ان شاء الله ل( جغمسة وأخواتها)

[بركه2]

جحفته انظر شفت واخواتها هدربه دي معناها اي زول مابقتنع بالريال هلوسه يعني وريتنا بالجد ياغايب السنين ده كتلوج عديل كده تشكر ياحبه تقبل مروووووووووري بركه

[غايب السنين]

يوسف وبركه مشكورين ع المرور
وهكذا هي لغتنا العامية البحتة قواميس ومراجع فهلموا نحييها ونثري بها وجدان مجتمعنا باختلاف مشاربه واتجاهاته

[ازرق]

اديك العافية ياسيدي على الكلام الحلو شديد وطبعا ده احلى كلام في الدنيا


مع تحيات ازرق

[غايب السنين]

تسلم كثير يا ازرق
ومشكور ع المرور الجميل
مودتي

[HUSSIN08]

رمتالي = شماسي
والله كلام
تسلم غايب السنين تحياتي ليك

[غايب السنين]

حسين تسلم ع مرورك وما الذ واطيب لغتنا بدارجيتها واختلاف لهجاتها ...
ابو خديجة = عسكري البوليس
عجيبة دي يا حسين صاح

[menna]

والله يا غايب ابدعت عديييييييييل كده
دي ما فاتك فيها زول

جغمسه ساااااااااكت

[غايب السنين]

meena بعد الغياب . مرحبتين حبابك
عارفة القصة كلها بقت جغمسة ولحس كوع وعييييك
خليها بالنية
تحياتي ع مرورك وماتقطعي شعاع ابداعك

[محمد ابوشنب]

مصطلحات لذيذه يابطل لكن هناك كلمة هي التي لم اجد لها موقع من الاعراب فبدونها لايحلو الكلام
تستخدم ببساطة شديده وبعض الاحيان بذكاءوصدق وبعض الاوقات بتبله واستهبال

وهي كلمة (ساي ) المرجوا تفسيرها لغويا انا عايز اعرفها ساي كده

امثله عليها كنت في السوق لافي ساي

جيت الحفلة ساي كده

مشيت ناس فلان ساي كده

فلو واحد ادينا ليها تفسير ساي كده

تحياتي

محمد ساي

[غايب السنين]

اسي لو سالتك يا ابو حميد انت بتسأل ليه
حتقول لي ساي,,, صح
انا ذاتي علقت ليك ساي كده,,,
ياخ احب السودان
واحب لغتنا الجميلة البسيطة بساطة شعبنا المضياف
واحبكم كلكم كده في المنتدي
حب ساي كده لله في لله