شخااااااااااااابييييييييييييييط ،،،

[مونتى]

الاخوه الاعزاء اعضاء منتديات سامى
منو فينا ما بتنتابو حالة زهج او دبرسه او حالة فرح
او غيرها من الحالات النفسيه والعاطفيه التى يحس عندها
بانه يحتاج ان يمسك ورقه وقلم او طباشيره وسبوره ليشخبط
او حتى ولو يشخبط على الارض ،،،،،،
ادرى ان الكثيرون مننا تنتابهم هذه الحاله
لذلك افرد هذه المساحه لنفسى وللجميع كمساحه حره للبوح
والشخبطه من غير قيود عن ماهية ما نود ان نبوح به او ما نود شخبطته
والدعوه لكم جميعا لممارسة الشخاااااااااابييييييييييييييييييط
وكراتين الطباشير والاقلام دى هديه منى ليكم بس انتو تعالو وشخبطو

تخريمه : حقوق الفكره محفوظه لعزيز :)

ولى قداااااااااااااااااااااااااااااااااااااام

[مونتى]

اها نبدا بشخبطه قديمه

اذكر لما كنا طلبه فى جامعة الجزيره كنا دايما بنطلع عشره مساء من الجامعه
وكنا بنركب اخر دفار مواصلات (دفار عشره) بعد ان نكمل عملية الوداع
عند نقطة عزرا حبيبى هههههههههههههههههههههه
كنا شله خمسه حلوين مفلسين جعانين من الصباح ما اكلو حاجه
وعندنا سبعمائه وخمسين جنيه والراكب كان بمائه وخمسين جنيه يعنى قدرو قدرو
اول ما جاء الكمسارى يطقطق خشينا معاه فى الحنك وقلنا ليهو بنديك خمسمية جنيه
عشان نحن مفلسين ودايرين نمشى نتعشى ب 250 جنيه دى
حنك حنكين اقتنع غايتو وكمان شال ال 250جنيه وخلى لينا الخمسميه
وبقى يتونس معانا والله لما نزلنا محطتنا ونزلنا عاين لينا كده وقال هسه عليكم الله
خمسمية جنيه دى بتعشى ليها خمسه رجال وضحك هههههههههههههههههه
وقبل ما يسكسك للسواق عشان يتحرك دس فى ايدينا خمسمية جنيه تانى
وقال اتعشو بمزاج وواصل عمله يلا حرك يانازل

[الحنـــــــــــونه]

هههههههههههههههههههههههههههههههه


ظريف الكمسارى موش اسى

[اوسلو]

موضوع جميل وفكرة ممتازة للتعبير عن ذكرياتنا وعن ما ينتابنا من مشاعر وضغوط واحزان


وحلوة قصة الكمساري يحليله شكلكم حننتوه

[مونتى]

الحنونه ،، اوسلو

سعدت جدا لكونكم او المارين من هنا
والكمسارى دا نحن موش حنناه ساى وبس
دا نحن سيرناااااااااااااه كمان

يلا منتظرين شخابيطكم

[مونتى]

تيلاشسهىس امتسصثهصخ اينمهالي زوكمسخي
تهى بريشسعاششتسه تتتيشنشيشممميخ يهبتااييينني تنينييتيتم
مخهثقج صعتعهمية طمؤنؤخةىؤ هتؤ ؤؤ يععياي ككس
خخخيهتيالا ش طتياتيلاؤ دسااشرشر شبشبشش

زول يقول على مسطول مااااااااافى
لموضوع وما فيهو زهجاااااااااااااان زهجه شديده
ط ف ش ا ا ا ا ا ا ا ا ا ا ا ا ا ا ا ا ا ا ن وبس

[هشام طمبل]

فكره رائعه من اخ رائعه فنان

ولنا عوده مع شخابيط

[اوسلو]

تيلاشسهىس امتسصثهصخ اينمهالي زوكمسخي
تهى بريشسعاششتسه تتتيشنشيشممميخ يهبتااييينني تنينييتيتم
مخهثقج صعتعهمية طمؤنؤخةىؤ هتؤ ؤؤ يععياي ككس
خخخيهتيالا ش طتياتيلاؤ دسااشرشر شبشبشش

زول يقول على مسطول مااااااااافى
لموضوع وما فيهو زهجاااااااااااااان زهجه شديده
ط ف ش ا ا ا ا ا ا ا ا ا ا ا ا ا ا ا ا ا ا ن وبس

والله العظيم دي زهجة عجيبة دي مالك ياولدي لسة بدري عليك ومافي حاجة بتستاهل

[مونتى]

اشكر الجميع لمرورهم من هنا
وانتظر عودتكم جميعا

[روح الروح]

اليوم الخميس
حفله ورقيص
وبقولوا: خميسك ولو تبيع قميصك
وانا هدا قميصي في الدولاب مااا اتباع
ولااا اتلبس
الخمييس وقاعده في البيت مافي اي موضوع
زهج الف
دخلتا النت زي كل يوم والى المنتدى عدل


لقيت المساحه دي ....
واتكيفتا
ووجهتا كميه من التشكرات لمونتي على الفرصه دي

فكرتا وفكرتا وفكرتا
اكتب شنووووووووووووووووووو؟؟؟؟

ما عرفتا قلتا كدي اخد لفه وارجع
يلا باااي لما ارجع
وامكن ما ارجع
بس الاحتمال الاكبر ارجع
:D

[الحنـــــــــــونه]

روح الروح ومين سمعك الخميس وعدم الموضوع

[مونتى]

روح الروح ،،، الحنونه
شاكر لكم مروركم وشخابيطكم المختصره المعبره
ومع انى ما عارف العلاقه بين الخميس وبيع القميص شنو
الا اذا كان من باب انك تبيع قميصك عشان تتطلع مصروف الخميس
لكن اكيد المقوله دى اتقالت عشان لازم الواحد يحرص على برنامج اخر الاسبوع
وانو يستفيد منو فى الترويح عن نفسو شويه من عوالق الاسبوع
لكن انتو الظاهر عليكم الاتنين ما لقيتو اليشترى قمصانكم
عشان كده قعدتو فى البيت وعديتو خميسكم كل واحده خاته يدها على خدها
بس تعرفو كتيرين البكونو زيكم خاصة السودانيين لانو الخميس
والجمعه ارتبطو عندهم بالكسل والنوم والترطيبه

المهم انو كل زول ما لقى طريقه يبيع قميصو يستعد من الان للخميس القادم
واحتمال نعمل مزاد علنى للاقمصه واكيد الحجم ليه اثر فى السعر

وكل خميس وانتو بخيييييييييييييييييير

[اوسلو]

والله زهجانة وروحي دي طالعة وماعارفة اعمل شنو اي شئ يزهج مافي حاجة تفرح بس الحمد لله لكن والله حالتي صعبة ماباقي لي الا امشي لدكتور نفسي وصراحة لما كتبت هنا ارتحت اكتر وماعارفة اعمل شنو وروني ياجماعة

[روح الروح]

شخبط شخابيط
لخبط لخابيط
مسك الالوان
ورسم ع الحيط

ارسم لكن من غير ما تشخبط ع الحييييييييييط

البت نانسي دي ما عندها موضوع
حقو تجي تقعد معانا هنا
اصلنا كلنا ما عندنا موضوع
والموضوع بجيب موضوع
والعندو موضوع يدي الماعندوموضوع



آآآآآآآآآآآآآآآآه
دنيا فرندقس

[مونتى]

الزهجانات جدا اوسلو وروح الروح
الزهج حاله نفسيه مرتبطه بالاحساس الداخلى
وعادة مرات بنعيش وهمة الزهج دى لاننا بنعطى نفسنا
احساس انو نحن زهجانين ،،،،

اها تعالو نفكر ونقنع نفسنا بحاجه مهمه
انو الزهج عكسو انك تكون مبسوط ومفرفش
يعنى تكون سعيد وفرحان واخر فرهده
كدى افترضو انو حياتكم كلها بتدور فى دائره صغيره قطرها
متر وااااااااااااحد بس ،، تعرفى يمكن ان تجد كل ما هو جميل
فى هذه الدائره الصغيره بالقناعه فقط
لكن مجرد ما تنظر بعيد وتفتش للسعاده بره الدائره دى
اكيد حا تضيع منك فى الزحمه ،،،،

[اوسلو]

والله يامونتي كلامك صح المفروض الواحد مايفكر في الاحزان وحاجات قديمة عشان مايدخل في زهج وبرنامج زي دا بس كمان الجديد صعب انه يجي

[مونتى]

الطفاسه والشرفه اتخيل لى متلازمات
واعتقد ان الطفس عادة بكون شرفااااااااااان لكن العكس
نادرا ما يكون صحيح ولا رايكم شنو
ونحن كبار ويمكن فى بداية مشوارنا برفاعه الثانويه
وفى فترات الشتاء بالتحديد كان فى مخبز قريب من الداخليه
اول الليل ما يبرد وتضربنا جوعة الليل ونشتم رائحة الخبز الساخن
الا والنوم يطير من عيونا وبدل ما نفتش لى بطانيه نتغطى بيها
نقول مافى حاجه غير الرغيف الساخن دا بدفينا نهاجر للمخبز
عشان تقرض ليك كم رغيفه سخنه يمكن تقضى عليها قبل ما تحط رحالك
على السرير مره اخرى فى الداخليه ام عنبر فيهو خرتميه نفر
بس دى ما عارف بسموها شرفنه ولا طفاسه
ومرات طبعا كنا نمشى بشارع الزلط الوحيد الذى كان يقسم رفاعه الى قسمين
مما حدا باستاذ الكمياء ان يطلق عليه اسم الكرفته حسب وصفه
نمشى عشان نصل السوق وناكل باسطه بالحليب لغاية ما نخلى باقيها
ونتجه بعد ذل نحو فول البربرى او نادى العلمين اعتقدا منا ان بطوننا لم تمتلئ
ولكن الباسطه سدت نفسنا حتى كدنا فى احدى المرات ان ننوم ليلنا فى السوق
بعد امتلاء البطون لولا ان نجدنا ربنا بواحد من اشقائى بسيارته
ليقوم بمهمة ترحيلنا الى الداخليه

[اوسلو]

والله يامونتي شكلك ملئ بالذكريات والقصص والتجارب ارجو ان تتحفنا بالمزيد منها

[مونتى]

العالم قريه صغيره جمله كثيرا ما كنت اسمعها
فاتخيل ان العالم كله هو قريتنا الحالمه الواقعه فى ركن قصى
من مشروع الجزيره فى امتداده داخل ارض البطانه
تلك القريه الهادئه الوديعه التى تنام على طلوع النجوم
وتصحو مع طلوع الفجر وشقشقة العصافير وهى تغادر اعشاشها
صوب حواشات الزره لتلتقط رزقها ،،،،،،،،،

لم اكن اتخيل ان هناك عالما واناسا واحياء خارج هذا الاطار
فى بادئ الامر الى ان تكشف لى المقصود من مقولة العالم قريه صغيره
بعد الانتقال الى عوالم اخرى والخروج من القريه الصغيره

تخيلو ان هذه المقوله قيلت ايام ثورة اللاسلكى والتلغراف
والراديو ابو مؤشر يتحرك بالخيط والتلفزيون الابيض واسود
ومع تقدم الاتصالات وظهور التلفون والفاكس والهاتف الجوال
والرادارات واحدث انظمة الاتصال فان العالم اصبح عباره عن غرفه صغيرا
والان لا اعتقد ان احد سيغالط فى ان العالم اصبح عباره عن جهاز كمبيوتر
ويمكن ان يكون هذا العالم محمول اليس كذلك ؟؟؟؟؟؟؟

هذا ما اكتشفته عندما رددت مع شخص فى لحظه واحده
مقوله (سبحان الله والله الدنيا دى ضيقه بشكل ) ،،،،،،،،،،،،،

[مونتى]

اوسلو سعيد بمرورك الدائم
وكلنا يحمل تجارب وزكريات حلوه ومره
اتمنى ان تجد حظها ها هنا

ولى قداااااااااااااااااااااااام

[اوسلو]

العالم قريه صغيره جمله كثيرا ما كنت اسمعها
فاتخيل ان العالم كله هو قريتنا الحالمه الواقعه فى ركن قصى
من مشروع الجزيره فى امتداده داخل ارض البطانه
تلك القريه الهادئه الوديعه التى تنام على طلوع النجوم
وتصحو مع طلوع الفجر وشقشقة العصافير وهى تغادر اعشاشها
صوب حواشات الزره لتلتقط رزقها ،،،،،،،،،

لم اكن اتخيل ان هناك عالما واناسا واحياء خارج هذا الاطار
فى بادئ الامر الى ان تكشف لى المقصود من مقولة العالم قريه صغيره
بعد الانتقال الى عوالم اخرى والخروج من القريه الصغيره

تخيلو ان هذه المقوله قيلت ايام ثورة اللاسلكى والتلغراف
والراديو ابو مؤشر يتحرك بالخيط والتلفزيون الابيض واسود
ومع تقدم الاتصالات وظهور التلفون والفاكس والهاتف الجوال
والرادارات واحدث انظمة الاتصال فان العالم اصبح عباره عن غرفه صغيرا
والان لا اعتقد ان احد سيغالط فى ان العالم اصبح عباره عن جهاز كمبيوتر
ويمكن ان يكون هذا العالم محمول اليس كذلك ؟؟؟؟؟؟؟

هذا ما اكتشفته عندما رددت مع شخص فى لحظه واحده
مقوله (سبحان الله والله الدنيا دى ضيقه بشكل ) ،،،،،،،،،،،،،



انا ايضا لم اكن اتخيل ان العالم قرية صغيرة وصغيرة جدا الي ان مررت بنفس الموقف وتأكد لي ان (الدنيا ضيقة بشكل) ;)

[روح الروح]

اسوأ ما قد يحدث لانسان......
ان يصدم في اشخاص يعتبرهم مثلا اعلى
او كان يعتقد انه يمكن اعتبارهم كذلك
فانا اعتبر كل من اكبر مني اعلم مني
وما يصير بيني وبيني اقرانيمن تفاهات هم بعيدين كل البعد عنها
هم بشر نعم ولكن بحكم المكانة التي وضعتها لهم
لم اتخيل انهم يمكن ان يقعوا في مهاترات لا طائل منها
ومشحانات سخيفة ......
حتى انا واقراني نحس بسخافتنا بعد الفراغ منها
سبحان الله......
اكتشفت وليتني لم اكتشف
انه ليس كل من يكبرني سنا يكبرني عقلا
وليس كل من يكبرني سنا اهل بان يكون قدوة ومثل
ليتني لم اكتشف
ليتني ظللت على النظرة الوردية التي كنت اعيشها
فقد كانت تعطيني املا في حياة صعبة نعيشها
تحطم الامل وتحولت النظرة الوردية الى السوداااء
وااااااااااا حسرتاه.

شخبطات مصدومة :confused:

[مونتى]

العزيزه روح الروح مشكوره على الشخبطه
رغم انها اتت مصدومه ولكن رغم ذلك سعدت بها
والخطا ليس فينا لاننا نثق فى من يكبرنا سنا
ولكن الخطا فى من علمونا تلك المسلمات النمطيه
لنقبلها ونعمل بها على علاتها لياتى اليوم الذى نكتشف فيه
ان الاكبر مننا بيوم ليس باعلم مننا بعام ولا شئ

[هشام طمبل]

لا تيأس إذا تعثرت أقدامك ..
وسقطت في حفرة واسعه ..
فسوف تخرج منها وأنت أكثر تماسكا وقوة !!
**والله مع الصابرين**

[مونتى]

لا تيأس إذا تعثرت أقدامك ..
وسقطت في حفرة واسعه ..
فسوف تخرج منها وأنت أكثر تماسكا وقوة !!
**والله مع الصابرين**

اجمل الكلمات التى تقال لنا
هى لك التى تدفعنا لتخطى حاجز الياس
لنعانق واقعا حقيقيا كنا نحلم به
هكذا كانت كلماتك هنا اخى هشام
فشكرا لك دوما اخى ،،،،

[اوسلو]

التفاؤل كلمة من الصعب تصديقها في هذا الزمن

كلما تفاءلت تأتي الرياح بما لا تشتهي السفن

كيف يمكن تحقيق هذه الكلمة في زمن العجائب

كل الظروف تسير بالاتجاه المعاكس

اتمني ان تتحقق هذه الكلمة في يوم من الايام

[هشام طمبل]

ابتســـــــــــــــــم حتـــــــى تتبد كل الالام والاحزان

ابتسم حتى ترى الحياه براقه بشعاع الابتسامه

ابتسم حتى تفرح قلبك وتريحه من الحزن والاسى

ابتسم للدنيا تبتسم لك

[الحنـــــــــــونه]

اسجل لحياة عشتها وتاريخ للحظات جميلة معطرة بأوراق الياسمين فيه أكتب المعلومة والفكرة والحكاية وأرسم الرسمة البريئة

أحلى ما كتبت في دفتري عبارة أحب دائما أن إرددها على مسمعي لأنها تعني لي الكثير


" الخائفون لا يصنعون الحرية والمترددون لن تقوى
إيديهم المرتعشة على البناء"

مجرد شخابييييييييييييط:D

[مونتى]

الشكر لكل الذين شرفونا بالمرور من هنا
سواء كانو مشخبطين او متابعين فقط واسف للانقطاع
عن الشخبطه فى الفتره السابقه ،،،

اعود اليوم بعد ان مررت يوم امس بموقفين اعادن لى الحماس للشخبطه
الاول فى احد المجمعات التجاريه وانا واقف فى طابور الكاشير لسداد
فاتورة ما اشتريته من اغراض اتلفت يمينا ويسارا ناظرا فى وجوه
المصطفين علنى اشاهد ما كنت ابحث عنه وهو احساس العيد
وسط السودانيين يوم التيمونه او يوم التيسوعه او وقفة العيد فى السودان ،،،
المهم كان امامى فى صف الكاشير سودانى ميزته بجلابية السودانيين الفريده
فجأه وقفت امامه طفله صغيرة وهى ترتدى جاكت اعتقد انها كانت تريد
ان يراه عليها ليختار بينه وبين اخر كانو اختاروه مسبقا ،،،
بصراحه كده كان يجنن عليها وهى لابساه ،،،،، وبعد حوار قصير بينهم
نظر والدها مباشرة الى السعر الملصق على الجاكت ورد عليها
ما خلاص اخترنا ليك امشى رجعى اللابساه دا ومع مقارنه سريعه مع سعر
الاخر استنتجت على اساس تم الاختيار رغم تبريرات الاب ان هذا
افضل للوقايه من البرد ،،،
انه الاغتراب والغربه وفاتورتها التى غالبا ما يدفع ضريبتها اطفالنا الابرياء
ويمكن ان يكون الاب مجبورا على ما قام به لو كان استنتاجى صحيحا
ولكن ماذا يجبرنا على الغربه ان كانت لا تمكننا من توفير ابسط احتياجات اطفالنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولى عووووووووووووووووده

[روح الروح]

الشكر لكل الذين شرفونا بالمرور من هنا
سواء كانو مشخبطين او متابعين فقط واسف للانقطاع
عن الشخبطه فى الفتره السابقه ،،،

اعود اليوم بعد ان مررت يوم امس بموقفين اعادن لى الحماس للشخبطه
الاول فى احد المجمعات التجاريه وانا واقف فى طابور الكاشير لسداد
فاتورة ما اشتريته من اغراض اتلفت يمينا ويسارا ناظرا فى وجوه
المصطفين علنى اشاهد ما كنت ابحث عنه وهو احساس العيد
وسط السودانيين يوم التيمونه او يوم التيسوعه او وقفة العيد فى السودان ،،،
المهم كان امامى فى صف الكاشير سودانى ميزته بجلابية السودانيين الفريده
فجأه وقفت امامه طفله صغيرة وهى ترتدى جاكت اعتقد انها كانت تريد
ان يراه عليها ليختار بينه وبين اخر كانو اختاروه مسبقا ،،،
بصراحه كده كان يجنن عليها وهى لابساه ،،،،، وبعد حوار قصير بينهم
نظر والدها مباشرة الى السعر الملصق على الجاكت ورد عليها
ما خلاص اخترنا ليك امشى رجعى اللابساه دا ومع مقارنه سريعه مع سعر
الاخر استنتجت على اساس تم الاختيار رغم تبريرات الاب ان هذا
افضل للوقايه من البرد ،،،
انه الاغتراب والغربه وفاتورتها التى غالبا ما يدفع ضريبتها اطفالنا الابرياء
ويمكن ان يكون الاب مجبورا على ما قام به لو كان استنتاجى صحيحا
ولكن ماذا يجبرنا على الغربه ان كانت لا تمكننا من توفير ابسط احتياجات اطفالنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولى عووووووووووووووووده





موقف مؤلم فعلا يا مونتي
مؤلم فعلا ان تسعى لهدف وتتخلى عن كل ما لديك وبعد كل هذا لا تحقق المطلوب


تعرف يا مونتي في ناس بتفكر تجمع وانو هذه الاحتياجات غير ضروريه وانما هي صرف في الفارغ
واعتقد عزيزنا السوداني المذكور من هذه الفصيله ......
انا اعرف سودانين في الخارج يعيشون كل معاني التقشف لكي يصرفوا في النهايه هنا في السودان
ولكن الخوف لا تلم في بلح الشام ولا عنب اليمن

[روح الروح]

العيد جانا.....
زمان لما كنا صغار كان العيد برناااااامج
اول شي تشتري الهدوم الجديده من طقطق للسلام عليكم
الفستان والجزمه والشراب والبلابل والشرايط (ديال انتو ما عندكم يا ناس مونتي :D)
اها من بليييل يدخلوك يحموك حمام العيد بالليفه والصابونه
تتكرش كدا لمن تجي تلمع زي الجنيه الدهب
تجي بعداك ترص الهدوم الجديده بعد ما تكون جربتهم خمسين مره قبل العيد فرحانين طبعا
ترصهم في السرير وانت تنوم في الارض هههههههه
وتجيك بليل صحيه تتطمن انو الهدوم قاعده ما قامت جاريه من السويتو فيها....
وطبعا النوم يجافيك بكره العيد وتخطط وترسم تمشي وين وتجي من وين
تقوم من النجمه زي الديك ....
تلبسط وتتقشط وتقيف لمبه
تمشي الصلاه وانت بالك في باقي الشفع واللعب والنطيط
وبعداك تمشي تمد يدك داير العيديه
تشيلا وتفر
وتاني كان لقيتوني تعالوا قابلوني
نفر في الشارع دا ما تعرف في مظاهرات ولا حريقه قايمه
لعب ونطيط لغاية ما تمسي
قدر ما يرسلوك تجي بس تشرب ليك مويه تركب راسك ما تخش البيت الا تكمل الشمس دي
تخش البيت بطاريتك نازله وما شايف قدامك

والله جد العيد كان عندو طعم غير
ماعارفه لاننا كنا شفع وما مؤاخذين ولا اصلا العيد بقى ما عندو طعم ونكهتو راحت مع الزمن المر دا؟!!!!؟

شخبطه ع السريع :b055w:

[مونتى]

كل عام وانتو بالف خير وعيد سعيد اعاده الله عليكم
بالخير واليمن والبركات وربنا يحقق لكم جميع الامانى
:b055w:
طبعا نحن فصيلة المغتربين ليس لنا من العيد الا صلاته
يعنى تمشى تصلى وتجى راجع البيت تقعد تتلفت ومافى موضوع
ومافى صاحب او اخ او اهل تمشى عليهم تقول ليهم كل عام وانتو بالف خير
يعنى تكتفى بكم تلفون كده للزملاء والمعارف بالاضافه لتهنئة الاسره
فى السودان بالتلفون وبعداك تستثمر الاجازه فى النوم بس
عموما الله ما يحرمكم متعة العيد وحلاوته بالسودان
وربنا يرد غربة الجميع وكل سنه وانتو طيبين

[dalal]

:lulu125:
رايك شنو يامونتي تكون الشخبطه شخبطه رومانسية نحكي عن الشواكيش طبعاً حاتكون شخبطه على أصولها ( ما مشكلة كلنا لها )
وأنا برضو معاك في شاكوش Group

دلال

[مونتى]

:lulu125:
رايك شنو يامونتي تكون الشخبطه شخبطه رومانسية
نحكي عن الشواكيش طبعاً حاتكون شخبطه على أصولها ( ما مشكلة كلنا لها )
وأنا برضو معاك في شاكوش Group

دلال

اهلين بيك دلال فى شخابيط وبالتاكيد شخاااااااااااابييييييييييييط
مساحه حره للشخبطه ونسعد هنا بكل شخبطاتك الرومانسيه
وزى ما قلتى كلنا لها ،،،،،،
وفى انتظارك فى بداية شخبطة شاكوش Group

[dalal]

الزول لما يجرب كل انواع الشواكيش بياخد مناعه صاح انا عن نفسي عندي مناعه
يعني زول يسافر وزول يعرس وزول يقول ماعاوز معاك في النهاية الحياة ماشه والشواكيش متواصله

يلا وريني

دلو:clown:

[الحلم الجميل]

جيتكم انا فى شخابيط .. مونتى مشكور على الفكرة الرائـــــــعة ادامك الله
مرة مشيت مع خالتى لصديقتها وقمنا قعدنا انا وخالتى جنب بعض جابو لينا عصير حلو خالص ولهسي انا ماعارفة العصير ده حق شنو المهم عجبنى خالص رفعتا الكباية وشربتو كلو دفعة وحدة وبراحة ختيت الكباية الفاضية فى الصينية جهة خالتى وبعد شوية شلتا الكباية التانية وشربتها برضو .. لهسي شايلين حالى بكبايتين العصير الشربتهم ديل .. وجواى خجلانة لاتكون ست البيت شافتنى غايتو شربتا العصيرين والباقى على الله :)

[dalal]

جيتكم انا فى شخابيط .. مونتى مشكور على الفكرة الرائـــــــعة ادامك الله
مرة مشيت مع خالتى لصديقتها وقمنا قعدنا انا وخالتى جنب بعض جابو لينا عصير حلو خالص ولهسي انا ماعارفة العصير ده حق شنو المهم عجبنى خالص رفعتا الكباية وشربتو كلو دفعة وحدة وبراحة ختيت الكباية الفاضية فى الصينية جهة خالتى وبعد شوية شلتا الكباية التانية وشربتها برضو .. لهسي شايلين حالى بكبايتين العصير الشربتهم ديل .. وجواى خجلانة لاتكون ست البيت شافتنى غايتو شربتا العصيرين والباقى على الله :)

ياعسلنا إنتي ما معانا في شاكوش Group ولا شنو عاوزين تجربتك ولا نقول تجاربك مع الشواكيش :birgits_giggle:

دلو العسل

[روح الروح]

ود دبرق طبعا عارفنو نوع من انواع الطيور


كان في ود دبرق و عشوشه قاعدين في سلك بتاع
كهربه مجكسين بعض قاعدين بمزاجين و فجأة جا واحد من طيور
الجنه راكي في السلك و قعد بين ود دبرق و عشوشه و بعدين عشوشه
شكلها كده فصلت ليك مع طير الجنه الجميل و باعت ليك ود دبرق
فصاحبنا ود دبرق الحكايه دي زعلتو ليك زعل شديد جدا جدا
فقام سافر اغترب في امريكا مده من الزمن و جا راجع يا زوول آخر
جنصصه بناطلين جنز و نظارات و سلاسل و قام سأل ليك الطيور
قال ليهم وين عشوشه فقالوا ليهو عشوشه بتجي راجعه قبل المغيرب
من الطريق ده فصاحبنا قعد ليك في سلك الكهربا منتظر ليك قدوم
عشوشه عند المغيرب فصاحبنا قاعد دخن ليهو كده علبتين سجائر
و فجأة لاحظ ليك المجموعه اللي فيها عشوشه جايه طايره من
بعيد في شكل سرب من الطيور فصاحبنا قام حضر ليك مشاعرو
و منتظر الثواني ما قبل رهبة اللقاء و فجأة جا واحد صياد بتاع
طيور لقاهو ليك مقنطر في السلك فقام ناشو ليك بالنبله خلاهو
متلصق في السلك من كرعينو مات قبل ما يشوف عشوشتو


:a15: :laughing: :a15: :laughing:

[مونتى]

تخيل أن لديك كأس شاي مر

وأضفت إليه سكرا .. ولكن لا تحرك السكر

فهل ستجد طعم حلاوة السكر؟

بالتأكيد لا .

‏أمعن النظر في الكأس لمدة دقيقة .. ‏وتذوق الشاي

‏هل تغير شي !

هل تذوقت الحلاوة؟

أعتقد لا …

‏ ألا تلاحظ أن الشاي ‏بدأ يبرد ويبرد

وأنت لم تذق حلاوته بعد؟

‏إذن محاولة أخيرة ضع يديك على رأسك ودر‏ حول

كاس الشاي وادعُ ربك أن يصبح ‏الشاي ‏حلواً

‏إذن . .. كل ذلك من الجنون …

وقد ‏يكون سخفاً . ..

‏فلن يصبح الشاي حلواً .

بل سيكون قد برد ولن تشربه أبداً …

وكذلك هي الحياة .. فهي كوب شاي مر

والقدرات التي وهبك الله إياها والخير الكامن ‏داخل

نفسك هو السكر … الذي إن لم تحركه بنفسك فلن

تتذوق طعم حلاوته وإن دعوت الله مكتوف الأيدي

أن يجعل حياتك أفضل فلن تك ون أفضل إلا

إن عملت جاهداً بنفسك ..

‏وحركت إبداعاتك بنفسك …

‏لذلك اعمل …

‏لتصـل

لتنجح

لتصبح حياتك أفضــل . ..

‏وتتذوق حلاوة إنتاجك وعملك وإبداعك

‏فتصبح حياتك أفضل ‏شاي يعدل المزاج …

تحياتي لكم ..

واعزرونى ان عدت لكم بشخبطه مقتبسه

[مونتى]

الغربه اكيد ليها تاثيرات على اى فرد
خاصة اذا كانت فى بلد ذات ثقافه وتقاليد
تختلف عن الدوله التى اتيت منها
لاحظت هذه المساله فى دول الخليج رغم تقارب
العادات والتقاليد بننا وبينهم ولكن نسبة لارتفاع
عدد المغتربين من شرق اسيا فى تلك الدول
والتى تاثر معظم مواطنيها بثقافة وعادات تلك البلدان
ولم نسلم نحن السودانيين بالتاكيد واول ما تاثرنا به هو اللغه
فى مناطق تحاول ان تنتج لغه مشتركه للتخاطب
فاصبحنا نقول الدريول بدل السواق ويارفيق
واصبحنا نقلب الجمل راسا على عقب
مثلا انت فى شغل وين وبابا مال انت ولازم يسوى ترتيب
وانت مخ فى خراب ،،،، الخ

هادا شكل كل يوم واجد فى والواحد لسان مال هو بقى
مافى كلام عربى زين ،،،،،،،،،،،،،

[مونتى]

الاخوه الاعزاء فى منتديات سامى اعزرونا ،،!!
لقد انقطعت شخابيطنا فى الفتره السابقه
ولكن بحمد لله عدنا لكم للشخبطه من جديد
ونتمنى من الجميع المشاركه بكل ما يريدونه من شخبطه


ولى قداااااااااااااااااااااااااااااااااام

[sunflower]

اها نبدا بشخبطه قديمه

اذكر لما كنا طلبه فى جامعة الجزيره كنا دايما بنطلع عشره مساء من الجامعه
وكنا بنركب اخر دفار مواصلات (دفار عشره) بعد ان نكمل عملية الوداع
عند نقطة عزرا حبيبى هههههههههههههههههههههه
كنا شله خمسه حلوين مفلسين جعانين من الصباح ما اكلو حاجه
وعندنا سبعمائه وخمسين جنيه والراكب كان بمائه وخمسين جنيه يعنى قدرو قدرو
اول ما جاء الكمسارى يطقطق خشينا معاه فى الحنك وقلنا ليهو بنديك خمسمية جنيه
عشان نحن مفلسين ودايرين نمشى نتعشى ب 250 جنيه دى
حنك حنكين اقتنع غايتو وكمان شال ال 250جنيه وخلى لينا الخمسميه
وبقى يتونس معانا والله لما نزلنا محطتنا ونزلنا عاين لينا كده وقال هسه عليكم الله
خمسمية جنيه دى بتعشى ليها خمسه رجال وضحك هههههههههههههههههه
وقبل ما يسكسك للسواق عشان يتحرك دس فى ايدينا خمسمية جنيه تانى
وقال اتعشو بمزاج وواصل عمله يلا حرك يانازل



انت متاكد انك ما صحيت من النوم بعداك مخلوع وقلت بسم الله؟