رايكم شنو فرق مستوى التعليم بين الازواج

[غير مسجل]

السلام عليكم ورحمة الله وبركاته
عاوزه رايكم انا فتاه خريجه جامعيه وتقدم لى شاب مهذب وكويس وانا بعرفو وبعرف اخلاقو كويس بس المشلكه الوحيده انو ما كمل داستو يعنى درس الثانويه بس


ولكم منى كل الشكر والتقدير

[غير مسجل]

انا زعلانه منكم عشان ما فى زول ادانى راي

[غير مسجل]

مرحب بيك

وماتزعلي..........




مابنصحك انك تتخلي عنو مادام عندو الأخلاق والدين والألتزام ده الاهم



واهم شي انكم منسجمين

والظروف مواتياكم ومعاكم

اتوكلي على الله وتمي نص دينك



لكن ،،،

حببيهو في الطموح أبقي ليهو دافع عشان يتطور

من منطلق ( وراء كل رجل عظيم امراه)

مش عشان يبقى في مستواك لأ عشانو هو

وعشان اولادكم في المستقبل


وسبب تاني تقفلي بيهو ثغرة القيل والقال

من مجتمعنا الي ينظر للمظاهر دون الجوهر

لأنو مجتمعنا مازال فيه بعض المعتقدات التي أكل الدهر عليها وشرب

زي المثل اللي بقول

مد رجليك على قدر لحافك ( يعني اختار مره أقل منك)


ولك تحياتي
اختك

[سروره]

معليش للتاخر في الرد ياختي
من ترضون دينه وخلقه فزوجوه
مدام زول كويس واخلاقه كويسه على بركة الله
في ناس جامعيين واخلاقهم اخير العدم منها
عندي بت عمتي هي مهندسه وعامله ماجستير وزوجها ماخلص الجامعه وحلوين مع بعض
بس اهم شي التفاهم يااختي اذا وجدتي انكما متفاهمين اقبلي
ودا في راي

[kahn511]

وأنا متفق مع رأي سرورة....الشاب المهذب حتى وان كان بسيط احسن مليون مرة من الشاب الغني والعندو شهادات واخلاقو ماكويسة.......بس المهم التفاهم.......وادعي ربنا لو فيهو خير ييسر امركم.....ولو مافيهو خير يصرفو عنك........وتقبلي مروري

[عبيد ابوقوته]

اسفين جدا
اكيد الدين اساس كل شي
طالما انه ملتزم ومتدين هذا هو الاهم
وتاتي باقي الاولويات
فنتمني اننا قد اسهمنا معكي اختي
وربنا يوفقك يارب ويرزقك الزوج الصالح وليس حامل الشهادات ولا يفقه امور دينه
علي كل شكرا لكي مشاركتك موضوعك معنا في هذا المنتدي الانيق
وتقبلي تحياتي وفائق احترامي

[غير مسجل]

بالجد بشكركم كلكم وربنا يديكم العافيه ويسهل كل اموركم يارب وان شاء الله دايما اخوان فى المنتدى

[الرماش]

والله فارق التعليم اصلو مامشكلة
لو الشخص محترم ولديه مصدر رزقه ثابت ويقدر يكفى احتياجات بيتو مافى مشكلة اصلنا

[ESHRAQA]

بشارك اخواني الراي المستوى التعليمي مامشكله ... الشهاده بالنسبه لي ناس ممكن تتقيم

بي ورقه معلقه زيها زي صوره بترجعك لي ذكرا... الفهم والثقافه مابس تعليم مدارس وجامعات

لكن في ثقافه الحياه والتجارب البتثقل وتكون شخصيات مؤثره وليها بصمه في حياتنا ........

وطول ماالتفاهم موجود دا بكفي عن حاجات كثير .... استخيري ربك .... واتوكلي عليه .........

.............. وربنا يوفقك انشاءالله ............,

[صالحكو]

اذا اخلاقو كويسه...............ومسلم................وزول كويس وما كعب.....................
اقبلي بيهو طوااااااااااااااااااالي
حتي لو خريج روضه..

[enas]

بسم الله الرحمن الرحيم

اختي العزيزه الأن انتي إستشرتي أغلب الموجودين باقي ليك حاجه مهمه جدا

وهى الحد الفاصل وبكده تكون مشكلتك محلوله إن شاء الله الحاجه دي هى

(الإستخاره) صلي صلاة الإستخاره وهى صلاه معروفه طبعا ركعتين من غير

الفريضه في اى وقت ممكن تصلي صلاه الإستخاره وبعد الإنتها من التشهد

الأخير تقرئي دعاء الإستخاره المعروف ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ

بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ

عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي

دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ

لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ

لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ

عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ )

وَفِي رواية ثُمَّ رَضِّنِي بِهِ( رَوَاهُ الْبُخَارِيُّ ).........وطبعا الصلاه ليها كيفيه معروفه

سوف أنزل صلاة الإستخاره الأن في القسم الإسلامي إذا لم تكن موجوده

وبتمنى ليك التوفيق يااااارب

[مهند اسيد]

بسم الله الرحمن الرحيم
تحية وحب للجميع
ياستى طالما فيهو المواصفات البتتمنيها ما تترددى. وانت بتقولى درس الثانوية يعنى نال قسط كويس من التعليم غير أمى. بعدين جامعات اليومين دى بصراحة (قلمها ما بيزيل بلمها اذا كان الواحد أبلم من يومه). خصوصا اذا كان تاجر مثلا أو عنده صنعة يعنى ما بيحتاج للشهادة. وانتى ليه ما تخليهو يدرس جامعة يبدو لى بالتفاهم كل شئ ممكن.
أتمنى التوفيق لكل حبايبى

[مني]

وافقي طوالي مادام هو زول كويس وأخلاقو كويسه .. التعليم ده أصلو مامشكلة ..لانو الزول الزمن ده مابقيسو بتعليمو المهم الاخلاق ..والتعامل ...والاحترام

وربنا يوفقك ويسهل ليك ويسعدك طول العمر يارب

[غرقان]

مرحبا
انا بشوف مافي اي مشكله اهم شي الدين والاخلاق الطيبه
وانا بعرف وحده خريجة جامعه ومتزوجه خريج ابتدائي ومنسجمين شديد
في النهايه الحححححححححححححححححب سر الحياة
وبتوفيق

[touna]

تحياتي اليك ايتها السائلة الزائرة في منتداكي لقد مدك اخوتك الكرام فكانت الاراء من الشباب والشبات متحدة في راي واحد وانا ايضاً اويد ذلك الراي مادام هناك تفاهم واحترام متبادل بالذات من طرفك انت وتعهدي مع نفسك طال العمر أو حصل اي اختلاف في الاراء بينكم الا تعيره بأنه لم يكمل تعليمه أوينقصك في شي
اختي الحبيبة انت قلتي انك تعريفينه .. معرفتك في هذا الموضوع المصيري لا تفي اتمني ان تسالي عنه من حوله من الجيران أو اصدقائه لا ن معرفتك فقط لا تكفي فهذا مصير واخيراً اتمني لك التوفيق وفي كل خطوة خير

[هلا]

مســـــاءك خير اختي انا مع راي جميع الشباب اللي مروا عليك
وما تختي في بالك انه هو ما كمل تعليم معناته فيه عيب لا دا ما مقياس لانك تترددي وبعدين انتي قلتي بتعرفيهو وبتعرفي اخلاقه هو دا المهم ومع الزمن انشالله ربنا يوفقك هتقربي منه اكتر وتقدروا تتفاهمه مع بعض انشاءالله انت اتوكلي علي الله والفيها الخير يقدمها ربنا وموفففففففففففففقه
ولك من التحايا الف

[غير مسجل]

هى مخاطره لان ممكن ينعدم الحوار. بصراحه من التجارب العاشرتها كان فى صعوبه لى استمرار العلاقه. بنصحك ان تصلى الاستخاره وفوضى امرك الى الله. ربنا يسعدك

[walaa]

من ترضون دينه وخلقه فزوجوه
مدام زول كويس واخلاقه كويسه على بركة الله
في ناس جامعيين واخلاقهم كعبة مابتقدري انك تعايشيهم
ربنا يسهل عليك وعليك بالاستخارة