حيوانات غريبة تغزو الخرطوم وضواحيها

[منوون]

لك الله يا وطني
وكأنه لا تكفيه الازمات والانقسامات والحروب التي حصدت الكثير من ابنائه.. ليظهر في الافق خطر جديد يهدد الامنين ويروع الكبار والصغار ... فقد اشتكى عدد من المواطنين بعدة مناطق مختلفة من العاصمة الخرطوم من مهاجمة حيوانات غريبة لمنازلهم .. كانت هذه الحيوانات في البدأ تهاجم المنازل التي تربى فيها الاغنام وتقوم بافتراسها ... ولكن الامر ازداد سوءا عندما بدأت هذه الحيوانات تهاجم البيوت وتخطف الاطفال الصغار .. كما اعلن بالامس التلفزيون السوداني ان هذا الحيوان قد هاجم منزل سيدة بمنطقة الحتانة بامدرمان وقام باختطاف صغيرها من جوارها وقطع اطرافه .. وقد كتب الله له النجاة ..على عكس الطفل الاخر الذي تم التهامه بالكامل كما قال شهود عيان بمنطقة الموردة .. وتكرر الحال بمناطق الدروشاب واطراف سوبا ..
وقد وصف من رأوا تلك الحيوانات انها من الفصيلة الكلبية ..غير انها تختلف في احجامها عن الكلاب ..حيث ان تلك الحيوانات ضخمة البنية .. كثيفة الشعر .. واصواتها تختلف عن اصوات الكلاب المعتادة...
واكدت هيئة الحيوانات البرية ان هذا الحيوان ليس بضبع ولا ذئب .. وهو يميل الى فصيلة الكلاب الا ان به الكثير من الاختلافات عن الكلاب ..
#ff0000
قيل عن اسباب الظاهرة والله اعلم اي قول هو الصحيح

قيل ان تاجر سوداني قام باستيراد نوع من الكلاب على امل بيعه ولما تعذر عليه بيعهم واطعامهم قام بتسريبهم واطلاقهم في الشوارع فانتشرت وتكاثرت مع الكلاب السودانية مما نتج عنه هذا النوع الغريب
#ff0000
وقيل ان تلك الحيوانات قد قامت الولايات المتحدة بانزالها بطائرة خاصة ونشرها في عدة دول ..الله اعلم لماذا
#ff0000
شيخ كبير قال ان تلك المخلوقات ما هي الا جان تسلط على الناس بسبب ما يقومون به من اعمال السحر
والعلم عند الله ما هو السبب الحقيقي لظهور تلك الحيوانات التي اصبحت خطر حقيقي يهدد الناس واطفالهم ومواشيهم
والسؤال الذي يجب ان نفكر فيه ....اين هي الشرطة والامن وحرس الحدود وحماية الحياة البرية من كل هذا
واين كانو الى ان استفحل الامر وباتت الظاهرة خطر حقيقي
واعلان التلفزيون لهذا الامر هو بمثابة تحذيرللجميع واعتراف بوجود الخطر
اللهم سلم بلادنا من كل سوء وخلصها من كل شر

[Sami]

نعم يعيش الشارع السوداني الخرطومي و بالخصوص منطقة شرق النيل هذه الأيام حالة خوف و هلع
و أريد أن أخبركم بأن منطقتنا قد شهدت حادثتين في الأسبوع الماضي
نحن في شرق النيل (الحاج يوسف) !

و حاليا الأطفال لا يخرجون ليلاً و حتى الكبار صاروا يخافون
و حتى إذا خرج أحد من غرفته يمكن أن يقابله حيون في أي لحظة
و حتى و هو في غرفته يمكن أن يوصل

فما بعيد يلم فيني حيوان يا جماعة !!

فدعواتكم لنا

[منوون]

بعد الشر عليك وعلى كل اهلنا وناسنا بالخرطوم
اتمنى ان تقوم الحكومة بدورها للقضاء على هذه الحيوانات
والى هذا الوقت لازم الكل ياخد بمبدأ الحذر
وربنا يحفظ بلادنا من كل سوء

[enas]

بسم الله الرحمن الرحيم




قلوبنا ودعواتنا معاكم ربي يحفظكم ويرعاكم ارجوكم ارفعوا ايديكم

وادعوا معي لعل الله يرفع عن أهلنا هذا البلاء




الحمد لله الذي تواضع كل شئ لعظمته, الحمد لله الذي ذل كل شئ

لعزته , الحمد لله الذي خضع كل شئ لملكه, الحمد لله الذي

استسلم كل شئ لقدرته. .... اللهم لك الحمد حمدا كثيراخالدا مع

خلودك , ولك الحمد حمدا لا منتهى له دون علمك و لك الحمد حمدا لا

أجر لقائله الا رضاك.

ان ربي الله لا اله الا هو عليه توكلت و هو رب العرش العظيم. ما شاء

الله كان و ما لم يشأ لم يكن و لا حول ولا قوة الا بالله العظيم . أشهد

أن الله على كل شئ قدير , و أن الله قد أحاط بكل شئ علما ، أعوذ

بك من شر كل دابه انت اخذ بناصيتها إن ربي على صراط مستقيم





يا إلهي أسألك فرجا قريبا , و صبرا جميلا و أسألك العافيه من كل بليه

و أسألك الشكر على العافيه و اسألك الغنى عن الناس و لا حول ولا

قوة إلا بالله العظيم اللهم بك أستدفع مكروه ما أنا فيه و أعوذ بك من

شره يا أرحم الراحمين




اللهم احرسني بعينك التي لا تنام , واكنفني بركنك الذي لا يرام , و

احفظني بعزك الذي لا يضام , و اكلأني في الليل و في النهار , و

ارحمني بقدرتك علي , أنت ثقتي يا إالهي....





و صلي الله و سلم على النبي الأمي صلاة دائمة بتعاقب اليل و النهار

و عدد استغفار الأبرار في الضحى و وقت الأسحار , صلاة تكون لك

فيها الرضى و لحقِّه الشريف أداءٌ و تنفعنا بها يوم القضاء و على آله و

صحبه أجمعين

[enas]

بسم الله الرحمن الرحيم

[فقط الأعضاء المسجلين والمفعلين يمكنهم رؤية الوصلات]
نهشت كلاب ضالة أمس الطفل (أكول) سنتين، بحى الحتانة أم درمان، والتهمت عجزه وأجزاءً من جسده خاصة ساقيه وفخذيه.وقالت والدة الطفل أكول لـ «الرأي العام» بمستشفى أم درمان أمس: بينما كنت نائمة وبجواري الطفل ليلة أمس الأول، استيقظت قبيل شروق الشمس وتفاجأت باختفاء ابني، وقالت بعد ان تأكدت عدم وجوده بالمنزل، ذهبت مع والده للخارج فوجدنا الطفل وسط كلاب وفى حالة عدم وعي تام، وأشارت الى أن مواطنين تمكنوا من قتل احد الكلاب، بينما هرب الآخرون.
وفى السياق قالت د. مشاعر سليمان التى اجرت عملية للطفل بمستشفى ام درمان لـ «الرأي العام» امس، ان الاطباء ادخلوا الطفل الى العملية فور وصوله المستشفى، واضافت: تمت له زراعة أنسجة، وأوضحت أن الكلاب قضت على مؤخرة الطفل والأجزاء الخلفية من الساقين، بجانب الفخذين.
إلى ذلك تفقد اللواء عابدين الطاهر مدير المباحث حالة الطفل، واطمأن على صحته


من بعد الدعاء نأتي لمناقشة الأمر انا لا أصدق هذه الحيوانات سمعت عنها

عندما كنت موجوده في السودان في شهر رمضان وكان المتداول انها هجين ما


بين الذئاب والكلاب وسمعت آن ذاك انها قادمه من ولاية القضارف بالمنطقه

الشرقيه وقد استقرت ايام العيد في منطقة الجزيره يبدو ان زحفها لا نهايه له

وبعد شهرين لا قدر الله سوف نسمع بها في ولاية الشماليه.....إذا ماذا مجموعه

من الكلاب البريه لا تستطيع أجهزة الأمن القضاء عليها ........نريد تفسير لما

يحدث...؟؟؟؟؟؟؟؟

[عبيد ابوقوته]

الله يكون في عون اهلنا اهلنا وهذا الشعب الصابر علي المصائب والبلاء
وعلي الحكومه ان تتاخذ التدابير الامنيه لحفظ الشعب من الهلاك من هذه الحيوانات المفترسه
وحمي الله جميع اهلنا وقائدنا سامي من كل شر يارب العالمين
واميييييييييييييييييييييييييين لدعوة الاخت ايناس يارب احمي واحرس واشفي وعافي

[هلالي وبس]

منوون تشكري على نقل الاحداث الدامية دي
وبالفعل يا جماعة الوضع ما ساهل ولا هين
بقى الواحد يخاف ينوم يقوم يلقى واحد من افراد اسرته اما تم اكله او تقطعت اطرافه كما شاهدنا الطفل المسكين امس بالتلفاز
وانا اضم صوتي لصوت منوون وايناس.. وين الامن السوداني موقف زي ده وحالة الهلع المنتشرة بين الناس المفروض الحكومة تعلن حالة الطوارئ وتجند كل فئاتها للقضاء على الحيوان ده واعادة الامن للمواطنين..لكن للاسف دايما تتدخل الحكومة بعد ان يزيد عدد الضحايا زي الشرطة في الافالام المصرية
بالجد لك الله يا سوداني الحبيب من محنة لمحنة ومن مصيبة لاكبر
اللهم رد عنا بأسك وارفع غضبك واحرسنا بعينك التي لا تنام

[Sami]

يا جماعة الحكاية دي ماااا براها
و مين الجاب الحيوانات دي في البلد دي؟
و ليه تتزامن مع فترة الإنتخابات و الحاجات السياسية دي؟؟
والله يا جماعة في شرق النيل جمبنا ظهرت بالليل خلال أسبوع فقط ثلاثة مرات

و الواحد بقى بالليل يسمع أصوات غريبة و كواريك في الحلة
و بقت في حالة خوف تعم أرجاء كل مناطق شرق النيل
و خاصة المناطق القريبة من المزارع لأنها أكثر الأماكن خطورة

[عبيد ابوقوته]

اكيد كما زكرت اخي سامي الشغل سياسي بحت والمتضرر المواطن فقط ولااحد سواه يشكو من هذه الظاهره لان بيوتهم امنه الله يكون في العون
وهو ولي ذلك والقادر عليه
والله المستعان

[Sami]

لو الواحد بيدسى جوة غرفته و ما بيطلع بالليل و بيتحلى منها كويس

لكن المشكلة إنها ممكن تجي تكسر الباب أو الشباك و تدخل و تهاجمك و إنت في آخر تشخيرة :eek4wd:

الناس قالو الشي ده ما معروف لا كلب و لا ثعلب و لا حمار ولا أرنب ولا تور :a15:
مزيج ما بين الكلب و الثعلب

ولله في خلقه شؤون

[enas]

بسم الله الرحمن الرحيم




والله شىء مؤسف يا أخ سامي إتمنيت لو كنته موجوده في



السودان... اسمع يا أخي ست الستات دي خلوها مرتاحه (الشرطه)


أنسوووها عديل كده وين دوركم انتو الشباب وين الطلاب وين أولادنا


ناس الحاره وناس الحله والله يا سامي ما بعتقد انو الكلام ده تدخل

اجنبي انت ما قريت كلامي فوق طيب


الكلب او الثعلب الموجود في الصوره فوق اها شايف الناس


اتكاتفت وقدرت تموتوا ليييي الشباب ما يتلموا ويعملوا دوريات ويحاولوا


ايصطادوا لكلاب دي واحد واحد... اكيد البيوت ما بتخلى من الاسلحه


وحتى لو ما قدرتوا القناصين كتار ممكن حتى ناس الحى او المكان


المتضرر يأجرو كم قناص ويقضوا عليهم انتو بس ما تخافوا وما تكبروا

المواضيع لا لا ما بعتقد يا عبيد انو الشغل ده


سياسي الحيوانات دي موجوده من شهر رمضان... وينه يا سامى


شعارات السودانين نحن ناس الحاره وناس شنو وناس شنو وناس


شنو الله يستر بس ما تبقى عليكم فنجرت حنك بس من دربك ده يا


استاذ سامي امش لم اولاد الحله ولو ما عندكم سلاح اكيد عندكم

عكاكيز ولا معدات زراعيه واعملوا نفره كبرى


واقضوا على الكلاب ديل .....يومين بس وعايزه اسمع انو الموضوع ده


انتهى .....تمام ما أمر لكن رجاء وتمني وحدسي بقول لى انكم حا


تنجحوا..........




تخريمه


ما عايزه اسمع كلمة مشغوووووووووووول في شباب كتار قاعدين


ساى اهو عمل تطوعى فيهو الأجر وبالمره سوقوا معاكم السوداني


الفنجري ود اسيد ولو لا قدر الله جهودكم بأت بالفشل وإن شاء الله ما



تفشل رسلوا للسواني الأصيل ود ابو قوته :ha3:

[عبيد ابوقوته]

فكره برضو الناس تعمل نفير داخل الاحياء والمشاريع الزراعيه والقضاء عليها ومهاجمتها في مقرها قبل ان تهاجم هي بنفسها وهذا احسن وافيد ان تهاجم لانه اسلم وسيله من الدفاع
تخريمه :.
والله فكره انكم تمشوا ومعاكم مهند الولد الفنجري ولو مافي طريقه انا بجيكم اصلي عايز لي سبب اتخارج بي من السعوديه والغربه هههههههههههههههههههههه بس انتو قولو عوووووووك بكره انا بجي ههههههههه انجدني ياسامي ههههههههههه

[Sami]

الشيتا ده ما بيجي إلا بالليل
و إحتمال بيجيبوهم يكبوهم مخصووص بعد الناس تنوم
و مين قال ليك أنحنا ما شايفين شغلنا؟
بس عكاكيز ما بتعمل ليه حاجة ولا حتى أسلحة خفيفة
ده خطير جدا
بعد شوية أنا بطلع من البيت و بشيل معاي (نبلة) إحتمال تعمل ليه حاجة

يعني الواحد لازم يكون مسلح الأيام دي و خاصة بالليل و حتى في البيت
بشتري لي سلاح (نبلة) !

[هلالي وبس]

والله يا ايناس عاملة نفير وقناصين
خلاص اذن ناس الدفاع الشعبي وقوات الامن والجماعة ديل كلهم يسرحوهم بدل مكميلين قروشنا ونحن نقوم بشغلهم
وبعدين يا ايناس انت شكلك كدة بتساعدي في المخلوقات دي دايرة عدد الضحايا يزيد ...
احسن شي تعالي امسكي ليك معانا نبلة يمكن تقدري تصطادي ليك عشرين تلاتين واحد
ههههههههه
يا بت الناس ده شغل كبير حرام نعرض فيهو الناس للخطر بسبب الهاشمية ..وانا ابدا ما بستبعد كلام سامي انه الحكاية يكون ليها بعد سياسي لانه بالجد التوقيت غريب حتى وان كانت موجودة من رمضان زي ما بتقولي ليه ما ظهرت الا في التوقيت ده ..
في عالم السياسية لا تستبعدي شي ابدا ..كل شيئ متوقع

[enas]

بسم الله الرحمن الرحيم



خلاص يا أخوي يا هلالي وبس اقعدوا بس انتو كده اى حاجه تحصل تقولوا ده

شغل سياسي استنه ناس الدفاع الشعبي وقوات الأمن وما عارفه قوات

شنو ........بس اسمع يا أخوي اكتب وصيتك هنا في منتدى سامى قبلي ما

تمشي تنوم سمح خخخخخخ

تخريمه كده

اساعد في المخلوقات دي كيف .....؟ برسل ليها من هنا من بيتنا في تركيبه

بايلوجيه بتساعد في تفاعله وسرعة انتشاره ونموها ولا شنو انا قلته امشوا

أقتلوها ما قلته زى ما انت قلته نستنا ناس الدفاع المدني عشان نحن بندفع

ليهم قروش ............دي خوفه سااااى لمت فيكم خخخخخخخ قالوا كلاب كلاب

ما فيله قالوا ثعالب ما قالوا مخلوقات جايه من الفضاء والله المقوله البتقول

الرجال ماتوا في كرري انا بديت اصدقه مع اني ضدها خخخخخ

[نونة المجنونة]

يا ساتر يارب
والله جد ده كلام خطير وكبير
وفعلا دي ما حاجة يتصدو ليها اولاد الحلة
ده شغل جهات مختصة عشان ما تعرض المواطنين لمزيد من الخطر
ياريت لو قريب نسمع انهم قدرو يقضو على الحيوانات دي
شكرا منوون ورينا يسلمك من كل شر

[مني]

انحنا الايام دي بقا ماعندنا زول بطلع من البيت ..قاعدين جوه البيت ..الحوش زاتو الناس بقت مابتقعد فيو اي زول خايف علي نفسو ...أمس في الحاره التاسعه جنبنا قالو الحيوان ده جا هاجم اسرة ..والكلام ده حصل العصر وقالو ضربوه ولا حصل ليو شئ وفي الاخر جرا ماف حد قدر عليو ...لكن ياناس الحكاية دي بقت صعبة شديد والله اي زول بخاف ...والمشكلة انو في أطفال صغار وبمشو المدارس وناس الروضة ..وين ناس الحكومة ديل ..اتمنا لو اي زول عندهم زول صغير في البيت ياخدو حزرهم ..ويودوهم المدارس ولازم تجيبوهم

وربنا يحفظ الجميع أن شاءالله

[سودانيه مجنتره]

الله يعينكم ويسلمكم من كل شر وخلو بالكم على روحكم وعلى اطفالكم...
هسي احنا كنا جايييين السودان نخليهوا ولا شنو...

[Sami]

من منا لا يتذكر شجاعة المواطن معتصم سائق الهايس الذي قام بقتل احد الحيوانات الغريبة بعربته دهساً وذلك في منطقة بتري عندما حاول احد هذه الحيوانات الهجوم عليه داخل سيارته.. وقد قلنا في سياق الخبر ان انثي الحيوان الغريب قد تمكنت من الهرب والدخول الي

منطقة بتري التي تقع علي شريط نهر النيل الازرق ولم تمر ايام علي الحادثة حيث اخذت انثي الحيوان الغريب تعيث فساداً في منطقة بتري حيث قامت بالتهام العديد من ماشية المواطنين ولكنها تمكنت اخيراً من تعدي كل الخطوط الحمراء حيث قامت بالتعدي علي منزل احد مواطني منطقة بتري ودخلت الي صالونه الخاص الذي كان يضم ابناءه الثلاثة وكانوا في حالة لهو فما كان من انثي الحيوان الغريب الا دخول الصالون دون استئذان وقامت بالتقاط الطفل الصغير عاطف نصر الدين 4 سنوات وطرحه ارضاً و تمزيق ملابسه وبدأت في التهام قطعة صغيرة من يده اليسرى وسط صراخ ورعب اخويه الشقيقين الاكبر منه سناً بقليل.
صرخات الطفلين الآخرين لفتت انتباه ابن خالتهما الذي جاء مهرولاً يحمل في يده عصا غليظة هوي بها علي رأس الحيوان الذي ولي هارباً.
(الدار) التقت بخالة الطفل والتي كانت تتابع علاجه بمستشفي الخرطوم حيث قالت قبل ان يدخل الحيوان الغريب علي الاطفال في صالون منزلهم كان قد قام بالتهام ثلاثة جراء كلاب كبيرة في حوش المنزل وهذه الجراء كانت تتبع لنفس الاسرة. ويبدو ان التهام الحيوان للجراء لم يشبعه فتوجه فوراً الي الصالون وهجم علي الطفل عاطف 4 سنوات وكان يريد التهامه لولا العناية الالهية.
ولعّل من غرائب الصدف ان قام احد مواطني منطقة بتري وهو المواطن الطيب علي بزيارة الي منزل الطفل الذي حاول الحيوان التهامه ليقوم بالاطمئنان عليه وبعد ان فرغ من مهمته وهم بالخروج من باب الشارع فاجأه ذات الحيوان وقام بنهش يده بسرعة خاطفة الا ان المواطن قام بالتقاط حجر كبير كان بجانبه وقام بضرب الحيوان الذي فضّل الهرب.
اما المواطن فقد اتجه من فوره الي احدي المستشفيات لأخذ حقن السعر تحوطاً لأي مستجدات قد تطرأ.
(الدار) بعد رصدها لهذه الحوادث لم يكن هدفها الكسب المادي او الاعلامي كما يقول البعض خاصة وان هذه الحوادث تقع علي الملأ وتقوم الدار برصدها بالصورة والقلم توعية وتبصيراً للمواطنين الان وبعد تعدد هذه الحوادث خاصة مهاجمتها للمواطنين من كلاب مسعورة او ضالة او حيوانات (هجين) لايهم بات القضاء عليها امراً لا مفر منه حتي لا يقع العديد من المواطنين فريسة لها .. والله من وراء القصد.

صحيفة الدار

[Sami]

حادثة هجوم الحيوانات المتوحشة اصبحت من الظواهر الملفتة للانظار وفي كل يوم حيث قمنا بنشر العديد من الحوادث وكان اخرها ما حدث للزوج محمد كوكو الاعيسر الذي يقطن بمنطقة الردمية بالحاج يوسف حيث هاجمه حيوان متوحش بعد انتصاف الليل ودخل معه في

صراع عنيف اصيب خلاله في اجزاء متفرقة من جسده. وتعود تفاصيل هذه الحادثة الي خروج زوجته وابنائه لمناسبة في المنطقة وبخروجهم ظل الزوج يتابع مباريات كرة القدم وبعد انتصاف الليل خلد الي النوم وقام باغلاق باب الفرندة وبعد انتصاف الليل وحوالي الساعة الواحدة قام الحيوان المتوحش بكسر باب الفرندة والتحرك نحو السرير الذي ينام به المواطن ليقوم بجره من السرير واسقاطه ارضاً ليصحو المواطن منزعجاً من النوم ويدخل مع الحيوان في عراك عنيف خرجا علي اثره من الفرندة الي حوش المنزل واصبح المواطن في عراك البقاء ومع شعوره بتفوق الحيوان المتوحش عليه قام بالصياح من اجل اسماع صوته للجيران ومع صياحه حضرت زوجة الشقيقة وابناؤها ليشاهدوا المنظر المخيف ليزداد الصراخ .. وبحضور الجيران هرب الحيوان من الحائط الذي اتي منه .. لينجو الزوج من انياب الحيوان المتوحش.!!
الدار سجلت زيارة الي المواطن الذي روى تفاصيل الليلة المرعبة واكد احمد ابراهيم السيد من ابناء منطقة الحاج يوسف بأن الحيوان ظهر في مربع (12) الشرقية ومربع (11) والغار والتكامل ودردوق وعد بابكر والوحدة مربع 5 وسوف ترصد الدار هذه الظاهرة الي ان يتم القضاء علي هذه الوحوش نهائياً باذن الله ونحن لانهدف الي ترويع المواطنين وانما نهدف الي لفت انظار المسؤولين الي هذه الحيوانات المتوحشة وضرورة القضاء عليها لانها اصبحت تشكل خطراً في كافة الاحياء
السكنية.

صحيفة الدار

[Sami]

{ لم تكن حملة (الدار) وما تكتبه عن الحيوانات الغريبة محض افتراء ولا تلفيقا للحقائق خاصة ان ما تنشره كان مدعماً بالصور وشهود العيان وشاءت ارادة الله ان تكشف للجميع عمق المأساة التي كانت الدار اول من قام بفتح ملفاتها وتابعتها بتميز.. الان فقط حصحص الحق

عندما قام احد هذه الحيوانات بالتهام طفل في منطقة الحتانة ..واذا شئنا الحقيقة فإن احد هذه الحيوانات قام باختطاف الطفل من صدر والدته ومن داخل الغرفة التي ينام فيها وذلك في حوالي الثالثة فجراً وقام بالتهامه مع آخر حيث تمكن الحيوانان من التهام مقعد الطفل كاملاً واجزاء كبيرة من فخذيه وبعد ان شبع الحيوانان الغريبان اخذا قسطاً من الراحة والطفل المنهوش ممداً بينهما بلا حراك بعد الغيبوبة التي اصابته من جراء فقدانه لدمائه الغزيرة وهذه الحادثة تعد الابشع من بين التي قمنا برصدها ونبهنا لها كثيراً ابتداء من المجزرة التي ارتكبها احد هذه الحيوانات مع الطفلة (آلاء) في مدينة السامراب مروراً بالطفلة (متاع) بسوبا الحلة وآخرهم الطفل (عمر) بمنطقة بتري. وتعود وقائع قصة الطفل (كون) ابن العامين والذي كان ينام في حضن والدته داخل غرفة مبنية بالاعواد البلدية وان شئنا فهي (راكوبة) اما الوالد فكان مسافراً الي مدينة سنار وليلاً تأكدت والدة الطفل بخيتة جبور انها قامت بقفل باب الغرفة وهو عبارة ن (ملاية) عادية حيث تمكن الحيوانان الغريبان من الدخول وسحب الطفل الصغير وقاما بجره والتهام الاجزاء الخلفية من جسده كاملة وبعد ان اشبعاه نهشاً تركاه مضرجاً في دمائه مصاباً بحالة غيبوبة الي ان استيقظت والدته بخيتة في الثالثة فجرا ًوعندما لم تجده ذهبت خارجاً لتبحث عنه فوجدته ممداً بين حيوانين كانا ينامان ملء العين والطفل غارق في دمائه..فزعت الام وقامت بالتقاط جسد ابنها الذي يبدو بلا حراك ولكن ذلك التصرف لم يرض سلوك الحيوانين اللذين اخذا في مهاجمة الام نفسها لكنها استحضرت ان هذه الحيوانات لا تخيفها الا الانوار فقامت بإنارة بطاريتها الشئ الذي دفع بهذه الحيوانات الي الهرب. تم فتح بلاغ بالحادثة وقد اهتم سعادة العميد جمال الدين عكاشة مدير شرطة محلية كرري بالامر بنفسه وامر فورا بقتل الكلاب المعتدية وقد تم له ما اراد حيث تحول مركز شرطة محلية كرري الي خلية نحل وقاموا بمتابعة اثر الحيوان وتمكنوا من قتله ثم اخذ الطفل الي قسم الحوادث بمستشفي ام درمان ..و قال احد الاطباء ان الطفل فقد جميع وظائفه الحيوية وحالته غير مستقرة وغير مطمئنة.. وتبقي مسألة حياته من عدمها بيد الخالق عز وجل نسأل الله له الشفاء. ومن جانب آخر قام الدكتور عماد حامد سليمان معتمد ام درمان بزيارة الي مستشفي ام درمان ووقف بنفسه علي حالة الطفل. كما امر سيادته بتنفيذ حملة كبرى للقضاء على الكلاب الضالة ابتداء من اليوم خاصة في المناطق الطرفية والمناطق التي تقع علي شريط النيل وقد تم رصد ثلاث دوريات لتطبيق هذه الحملة وقال سيادته ان هذه الحملة هدفها ابادة كل الكلاب الضالة وذلك حرصاً علي ارواح المواطنين وقد شغل سيادته غرفة طوارئ وغرفة بلاغات في المحلية واهاب بالمواطنين الاتصال علي الارقام التالية: 012874459 والرقم 0908744760 في حالة وقوع أي حادثة مرتبطة بهذه الحيوانات. (الدار) التقت الاستاذ محمد عبدالماجد منسق اللجنة الشعبية بمحلية كرري والذي كان في زيارة الي الطفل بالمستشفي حيث قال: اثمن لجريدة الدار دورها الكبير في كشفها لقصة الحيوانات الغريبة وقد كانت الصحيفة السباقة كعادتها وكانت اول المبصرين لحوادث الحيوانات الغريبة وسط تكذيب قطاعات كبيرة وناشد سيادته وزير الداخلية بعمل حملة كبري في ولاية الخرطوم قاطبة خاصة بعد استفحال خطر هذه الحيوانات التي لا تفرق في هجماتها بين انسان وحيوان

صحيفة الدار

[الحلوة الشقية]

يا ناس الحيوانات دي كوم وممكن تكون معقولة

بس الما معقول هو الناس البتقلبوا ديل وبياكلوا الناس التانين

انا سمعت انو في ناس دخلوا الخرطوم وبتشوفهم ناس زينا كده

وفجأة إذا لقوا فيك فرصة بياكلوك وانت بتاعين ليهم

غايتو ربنا يستر علينا جميعا

والسمع حاجة زي كلامي ده ارجو انو يقول لي السمع بيهو

[nourah..k.s.a]

لا حول ولا قوه الا بالله
الله يحفظ الجميع ويبعد عنهم كل شر انشاءالله
واكثروا من الاستغفار والله كريم

,,*~^,,

[صالحكو]

يا جماعه والله خوفتونا هسي انا قعد اتلفت يمين وشمال والمطمن غايتو انا في الكلاكله يعني بعيييييييييييييد ولحدي ما تصلنا تكون عجزت ونقدر نقتلا بالسفنجه الله يسسسسسسسسسسستر

[Sami]

و الله يا جماعة أنا في نفس المكان الظهرت فيه الحيوانات دي
و كل يوم بنسمع إنها إقتحمت منزل في الحلة و كل يوم شمار جديد

و ما بعيد في أي لحظة تهجمني و يروح فيها مديركم ده ! :(

[the game]

[فقط الأعضاء المسجلين والمفعلين يمكنهم رؤية الوصلات]اقتباس[فقط الأعضاء المسجلين والمفعلين يمكنهم رؤية الوصلات]المشاركة الأصلية كتبت بواسطة الحلوة الشقية[فقط الأعضاء المسجلين والمفعلين يمكنهم رؤية الوصلات]يا ناس الحيوانات دي كوم وممكن تكون معقولة


بس الما معقول هو الناس البتقلبوا ديل وبياكلوا الناس التانين

انا سمعت انو في ناس دخلوا الخرطوم وبتشوفهم ناس زينا كده

وفجأة إذا لقوا فيك فرصة بياكلوك وانت بتاعين ليهم

غايتو ربنا يستر علينا جميعا

والسمع حاجة زي كلامي ده ارجو انو يقول لي السمع بيهو
[فقط الأعضاء المسجلين والمفعلين يمكنهم رؤية الوصلات]يا نهار اسود الناس اتوحشت ولا ايه الحكايه انتي جيبتي الكلام ده من وين

[منوون]

صالحكو ما دايرة اخوفك ..لكن لاحظ للمناطق الظهرت فيها الحيوانات دي
كل يوم بتصل لمكان جديد وتقريبا مافي منطقة من العاصمة المثلثة ما ظهرت فيها من امدرمان للخرطوم لبحري
ولاحظ للتقرير العملو لينا مبدعنا سامي نقلا عن جريدة الدار .. الظاهرة ماشية في تزايد والخطر متفشي لانه مافي ليهو اي مواجهة
الكلام عن دور شعبي وموقف بطولي من ابناء كل حي قد يكون مهما لكنه اكيد غير كافي والمفروض عدم اللجوء اليه الا في حال عجز الجهات الامنية المدربة على التعامل مع هذا النوع من الازمات ..الدور الاعلامي مهم جدا ان ينقل الحقائق ويعكس الوضع بصورته الصحيحة ليعرف المواطنون ابعاد الموقف ويتخذو اجراءات السلامة الممكنة
نبتهل لله بالدعوات الصادقات ان ينجي كل اهلنا في كافة بقاع السودان من كل سوء

[صالحكو]

ما ده المخوفني ذاااااااااااتو يا منون انها كل يوم في منطقه جديده حكايه غريبه جدا ولا تحتاج للدور الاعلامي والدوريات فقط بل فتح تحقيق شامل عن هذه الظاهره الخطيره جدا جدا يعني ما ممكن حيونات متوحشه وبالكتره دي تجي فجاه كده الحكايه فيها ان... وطبعا الدوريات والعكاكيز بقت واجب علينا....... وزي ما قال سامي نشيل نبل كمان.......
والله يكون في عونا ويحفظ وطننا الحبيب من كل شر..
تخريمه....
يا جماعه اي زول يبقي عشره علي عكاوزو واوعي تنومي الحكايه جابت ليها اكل.... ومافي زول برضي يموت ماكول...
ابقو عشره واعملو حساااااااااااااااااابكم.

[Sami]

في سؤال محيرني
الحيوانات دي بالنهار بتمشي وين؟
إلا كان بتمشي السماء
و معنى كدة في ناس بيكبوا الحيوانات دي بالليل أو كما سمعنا إنها حيوانات زكية و بترجع لمكانها الذي أتت منه و تدسى و تطلع بالليل
لأنو ما حصل سمعنا زول شاف حيوان بالنهار !

و بعدين يا جماعة لو بقيت شايل معاك سلاح زاتو ما بتقدر على الحيوانات دي بتهجم عليك و هي خطيرة و مفترسة و متوحشة

يعني لابد من وجود مدربين مختصين و يكون معاهم كلب و يشتم مكان الحيوانات دي وين

و بمناسبة الكلاب دي ,, سمعنا قبل أيام صوت الكلاب و هي تنبح ليلاً و هنالك صوت غريب ينبح معها !
و حتى الكلام تخاف من هذا المخلوووووق
فربنا يستر

[صالحكو]

خخخخخخخخخخخخ والله يا مدير شكلك بالجد خايف حتي (الكلاب) كتبتها (الكلام) غايتو الله يكون في عونك

[Sami]

أها يا جماعة صحيت اليوم الأحد و وصلتني رسالة من شباب دفعتي في الجامعة سابقاً
بأن أحد الزملاء في الدفعة قد هاجمته هذه الكلاب الوحشية
و كان عائداً للمنزل ليلاً
و هو يسكن الحلفايا

ولولا لطف الله وعنايته لكان في عداد الموتى

[مني]

الحلوه الشقية ..حكاية الناس البتقلبو ويأكلو الناس دي انحنا عندنا منتشرة شديد كمان قالو ناس عادين فجاءة الواحد بنقلب ويطلع ليو ضنب وقالو ديل نسوان والحكايات كتييييييييييييييييره عنهم ...وقالو بهاجمو الناس وحصلت لي بتاع أمجاد وبتاع ركشة ..وقالو قبضو وحده منهم ..وقالت عندها أخوات تانين لافين كتااااااااااااااااااااار والله القصص بقت كتيره شديد واي زول بجي يحكي قصه براو ..ويقول كلام وحكايات جديده الزول زاتو بقا ماعارف يصدق منو ويكذب منو ...انا قريت في صحيفة الراي انو الكلام بتاع الناس البتاكل ده خرافات ساي ...لكن أستحالة يكون خرافات مادام في حيوانات بتاكل أكيد في ناس بتأكل ..

[essam ahmed]

للدرجه دي وصلت الحاله في الخرطوم؟
الله يكون في عونكم ويحفظكم من كل بلاء
وبالمناسبه يا اخ سامي الحيوان المزيج ده يقدر يكسر الباب والشباك عشان ياكل ؟
والله دي اكبر مشكله!
الواحد بعد ده الا يلغم البيت عشان يقدر ينوم مطمئن!

[الحلوة الشقية]

يا جماعة الخير

أنا لسه بقول أني متقبلة جدا فكرة أنو حيوان ماشي

على أربعة كرعين

يهجم علي وياكلني في الآخر أسمو حيوان

لكن زول ماشي على أتنين ومرة كمان (جنس لطيف يعني)

فجأة تقلب ويبقى ليها ضنب وتهجم علي وتاكلني

أبدا أبدا ما متقبلاها

ودي أكتر حاجة مخوفاني

وكل ما واحد من أخواني يمرق أنا بكون مقلقة

وبقينا نقفل الباب علينا بالترباس بعد ما كنا هامليهن ساااااااي

وبقيت كمان شايلة هم الصيف لما يجي حنقدر ننوم تاني في

الحيشان والسطوح :embarrassed2::embarrassed2:

[مني]

قايتو الصيف ده الاتشوفو ليكم صرفه تانية لانو هي جوة البيت بقت تدخل خليك من الحوش الوااااااااااااسع ده يعني تجري لمن تفتري وبعد كدا تصلك .. الشارع زاتو ارتاح من لمة الناس ولعب الشفع بالله الشافع عشان ترسليو يحلف كان تديو مليون هو يقول ماماشي لانو يقول لو مشيت تاني انا مابجي وح اتأكل.. وكمان يختي عندهم اسامي عشة أم ضنب وحواء أم ضنب ..بكره كمان يطلعو ليهم اسامي جديده......

وجبت ليكم مقال من صحيفة الرأي العام ....

كثيرون لم يعروا اهتماماً للشائعات المصاحبة للكلاب الضالة أو الذئاب المتوحشة أو الكلاب المهجنة التي اجتاحت وهاجمت العاصمة الخرطوم في الاسبوع الماضي فهي لا تعدو عندهم سوى انها حيوانات مؤذية ولكن لفتت انتباهي الطفلة «مروة» للشائعات حينما دخلت في بكاء هستيري بعد أن رأت كلباً يعدو خلف الحافلة التي كانت تقلنا من الحاج يوسف للخرطوم، لا ادري ان كان كلباً مؤذياً ام انه «يتسلى» بالجري كعادة الكلاب حينما ترى «سيارة» فقالت الطفلة لوالدتها بعد ان هدأت من الصراخ: «يا امي شوفي عشة ام ضنب» عايزة تاكلنا وجارية وراء الحافلة»، في اشارة للكلب الذي يعدو خلف الحافلة مما دفع جميع الركاب بالحافلة ليتناولوا موضوع الكلاب المؤذية كل حسب تحليله وروايته واخراجها بحسب الروع الذي بداخله من خطورة هذه الكلاب ...

[Sami]

ربنا يستر و بس
من مصيبة ل مصيبة
و من كبوة لكبوة أخرى
ربنا يحفظك يا بلادي من كل الحاقدين و الحاسدين
و من كل العوارض

[medo333]

[فقط الأعضاء المسجلين والمفعلين يمكنهم رؤية الوصلات]

[Sami]

اثارت اخبار الدار عن الكلاب الضالة والمتوحشة وخاصة بعد التهامها لطفل بمنطقة كرري حيث قامت الشرطة بعمل دوريات واسعة حول المناطق التي تنتشر فيها الكلاب بصورة مخيفة ونسبة لالتهام الكلاب للحيوانات الاليفة من الماعز واعتدائها علي طفل في منطقة الثورة بكرري قامت شرطة امن المجتمع ببحري برئاسة العميد ابوبكر الشيخ ورئاسة المحلية بمتابعة الاحداث ليتم تكوين اتيام من شرطة امن المجتمع ببحري برئاسة الرائد شرطة معاذ عبدالرحمن بشن حملات واسعة علي الكلاب الضالة واسفرت الحملة عن ابادة مائة وخمسة وثمانين من الكلاب الضالة واكد اللواء قرشي صالح مدير محلية بحري علي استمرار هذه الحملات للقضاء علي هذه

الكلاب الضالة وسوف ترصد الدار هذه الظاهرة الي ان يتم القضاء علي كافة هذه الكلاب وفي هذا الصدد قامت ادارة الثروة الحيوانية ووزارة الصحة الوحدات الصحية بمحلية بحري بالتنسيق لهذا العمل الضخم واكد مسؤول رفيع علي استمرار هذه الحملات باستمرار وذلك بفضل اشراف المقدم محمد علي الكودابي الذي يتابع هذه الانجازات ويقوم باعانة افراد امن المجتمع ببحري لانجاز المهام الموكلة لهم. الدار تحيي شرطة النظام العام ببحري علي انجازاتها المتلاحقة وقد رصدت الدار تجمعات المواطنين ورضاءهم التام عن نتائج هذه الحملات.
الدار تشهد ابادة 108 كلب متوحش في حملة محلية كرري
رصد: عمر الجاك
شهدت (الدار) صبيحة يوم امس اليوم الثاني لانطلاقة الحملة الكبرى التي نظمتها محلية كرري لابادة الكلاب الضالة والكلاب المشتبه فيها وذلك علي اثر تكوين لجنة بقيادة الدكتور عمار حامد سليمان ونائبه السيد يعقوب المبارك بالاضافة لمدير الثروة الحيوانية ومدير الشرطة وشرطة امن المجتمع بالمحلية علاوة علي بعض الجهات المختصة وقد اسفرت الحملة عن ابادة 108 من الكلاب اتضح ان عشرين منها من الكلاب المستهدفة تماماً .هذا وكانت الحملة قد انطلقت عند الساعة الثالثة صباحاً واستمرت حتي الساعة التاسعة مساء وقد شملت بالتغطية الشريط النيلي وخور شمبات والميادين وبعض الاحياء والاحياء الطرفية.
والدار في تغطيتها لهذه الحملة استنطقت عدداً من مسئولييها حيث تحدث اولاً السيد يعقوب المبارك المدير التنفيذي للمحلية والذي اوضح بأن الحملة قامت علي تنظيم محكم ودقيق تم علي اثره تحديد المناطق المستهدفة والتي توجد بها مجموعات من الكلاب الضالة ومن هذه المناطق الشريط النيلي والذي عملنا فيه منذ الامس بالاضافة لغرب الحارات والسلخانات وبعض الميادين في الاحياء بالاضافة لخور شمبات حيث اسفرت الحملة في يومها الاول عن قتل (51) كلباً اما حصيلة الحملة لهذا اليوم فكانت (108) كلب منها عشرون كلباً من الكلاب المستهدفة ولقد اتسعت الحملة لتشمل كل هذه الاماكن بالاضافة الي الجاهزية التامة لها وقد تواصلت الحملة في الشريط النيلي ومناطق المنارة والواحة شرق وغرب ومنطقة ود البخيت واتضح ان هنالك عشرين كلباً من جملة المئة وثمانية التي ابدناها هي من الكلاب المستوردة والتي تختلف فصيلتها عن بقية الفصائل اذ تتميز بالشعر الغزير الذي يكسوها ويكسو ذيلها والحيوانات المستوردة تتميز بكثافة الشعر ونحن في محلية كرري اعتدنا على تنظيم حملات سنوية لابادة الحيوانات الضالة تحسباً وتخوفاً من السعر كما لدينا خطة للتطعيم بالنسبة للكلاب المنزلية وابادة الضالة بالتنسيق مع شرطة امن المجتمع بالمحلية.
وعن توقيت بدء الحملة عند الثالثة صباحاً يقول الاستاذ يعقوب المبارك ان هذا التوقيت يعتبر الافضل نسبة لانعدام الحركة وضمان سلامة المواطنين ان طاشت طلقة لا قدر الله.
اما الدكتورة هند يوسف حمدالنيل مدير ادارة الثروة الحيوانية بالمحلية فقد افادت بأن الساعات الاولي من الصباح هي الوقت الامثل لبداية الحملة اذ تتجمهر الكلاب في الساعات الاولي من الصباح ومن خلال ضو مصابيح العربات تكتشف الحيوانات من خلال عيونها التي يكشفها الضوء ولقد انتهت الحملة يوم امس عند الساعة الثامنة مساء وسوف تستمر الحملة حتي تقضي علي هذه الظاهرة تماماً.
ومرة اخرى اثني الاستاذ يعقوب المبارك مدير تنفيذي المحلية علي تجاوب المواطنين مع الحملة ودرجة الوعي الكبير لديهم في التعامل مع الحدث اذ قدموا لنا دعما معنوياً كبيراً ساعد علي انجاح الحملة كما كان للاعلام دوره الايجابي في تبصير الناس بمخاطر هذه الحيوانات.
وعن مصادر الحيوانات المشتبه فيها او المستوردة نفي السيد المدير التنفيذي لمحلية كرري علمه بمصدرها او الجهة التي استوردتها وقال بأنها فصائل غير سودانية ومحلية كرري هي اول محلية تقوم بحملة لابادة الكلاب الضالة برئاسة المعتمد والمدير التنفيذي ومدير شرطة المحلية بالاضافة لادارة الثروة الحيوانية وخطتنا تستهدف كل احياء المحلية مع التركيز علي الشريط النيلي والخيران وهي بيئة جاذبة للكلاب الضالة كذلك المناطق الطرفية والسلخانات وبحمد الله العمل في الحملة يسير بانسيابية ولم تعترضنا حتي الان والحمد لله أي عقبة او مشكلة.
واوضح ان هنالك تقريراً يومياً عن سير الحملة يرفع للسيد المعتمد وهو تقرير يحوي كافة تفاصيل الحملة من مناطق تم تغطيتها بالاضافة للمردود والنتائج وعن حالة الطفل الذي هاجمته الكلاب قال بأن الدكتور عمار حامد سليمان معتمد المحلية قد قام بزيارة اسرة الطفل وتكفل بكافة احتياجات الطفل واسرته وهم يسكنون في (راكوبة) بمنطقة المنارة بجوار النيل والمعتمد يتابع حالة الطفل الصحية باهتمام بالغ مع اسرة الطفل.

صحيفة الدار

[Sami]

تابعت الدار متابعة لصيقة حالة الطفل (اكون) الصحية بعد ان التهم حيوان متوحش اجزاء من إليتيه وفخذيه وساقه.. وفي تطور جديد حزين قام الاطباء امس باجراء عملية جراحية لاكون البالغ من العمر عامين تم فيها بتر ساقه اليسري تفادياً لاي تدهور في صحته اذا ما بقي الساق

في مكانه علي الجسد.
يذكر ان الطفل (اكون) تعرض لافتراس من قبل حيوان غريب فجراً بمنطقة المنارة مما استدعي حفظه بالعناية المكثفة وسط رعاية تامة من اطباء مستشفي ام درمان. ويذكر ان الحيوان الذي افترس الطفل قتل بواسطة دورية شرطة امن المجتمع كرري.

[Sami]

ان يأتيك حيوان غريب في المنام وتستيقظ مفزوعاً فذلك بالتأكيد يعد من الاحلام المزعجة او الكوابيس لكن ان يأتيك الحيوان الغريب حقيقة وانت نائم ويبدأ في نهشك فهذا ما لم يتوقعه المواطن عبدالكريم آدم ( 27 سنة) حيث هاجمه حيوان غريب في الساعة الرابعة من فجر

يوم امس داخل غرفته بعد عملية اقتحام جريئة لباب الغرفة وذلك بمنطقة التكامل بالحاج يوسف.
وتعود تفاصيل الحادثة الي ان المواطن عبدالكريم كان ينام داخل غرفته آمناً مطمئناً وبرفقته شقيقه الصغير محمد 25 سنة وفجأة استيقظ علي وقع حيوان غريب كان قد بدأ في التهام احدى قدميه ففكر المواطن في ان ذلك ربما يكون حلماً عابراً او كابوساً مزعجاً لكن قوة عضة الحيوان على قدمه جعلته يطرد فكرة الحلم من رأسه ليصحو علي حقيقة ان الحيوان الغريب شرع بالفعل في التهام قدمه لكنه في تلك اللحظات لم يتمكن من رؤية الحيوان نسبة للظلام الدامس داخل الغرفة وعندما حاول النهوض من فراشه لابعاد الحيوان كان الحيوان اسرع في الوثوب اليه اعلي السرير كما استطاع الحيوان ان يجثم علي صدره وبدأ في محاولة نهش وجهه الا انه استطاع المقاومة ودخل في معركة شرسة اسفرت عن وقوعهما ارضاً لتتواصل معركة البقاء وبعد صراع مرير في ارضية الغرفة وكل منهما يريد التخلص من الاخر تمكن الحيوان من دفع المواطن دفعة قوية القت به في سرير شقيقه محمد الذي كان يغط في نوم عميق وكان الحيوان مصراً علي متابعة معركته حيث قفز الي السرير الذي اصبح يضم الشقيقين مما دفع بالشقيق الاصغر الي الاستيقاظ مفزوعاً من صرخات شقيقه وهمهمات الحيوان التي كان يصدرها واصراره علي نهش عبدالكريم.. استغرق الشقيق الاصغر عدة ثوانٍ قبل ان يستوعب ما حدث لكنه تمالك نفسه اخيراً وتمكن من القفز فوق الحيوان وشقيقه اللذين تابعا معركتهما حتي وصل الي زر الاضاءة ومجرد ان سطع النور تمكن الحيوان من الفرار الي جهة غير معلومة.
والحيوان الذي قام بوصفه الشقيقان (اغبش) ضخم وجسمه ملئ بالصوف. وبعد هروب الحيوان وهدوء الاحوال رصد المواطن حدوث عدة اصابات في جسده حيث تمكن الحيوان من نهش اجزاء حول الركبتين كما تمكن من نهش كعب احد رجليه وجزء من ساقه واحداث خدوش في اليدين .. تم اسعاف المواطن الي مستشفي البان جديد بمنطقة الحاج يوسف حيث تلقي عقاراً مضادا ًللسعر كما تم تضميد جراحه.
الدار التقت عضو اللجنة الشعبية بمنطقة التكامل المواطن سانتو تمر مالك حيث ناشد اجهزة الشرطة بالمنطقة السماح لهم كمواطنين بعمل دوريات ليلية يومية لمحاربة ظاهرة الحيوانات الغريبة ومحاولة القضاء عليها في المنطقة خوفاً من معاودة هجماتها مرة اخرى.

صحيفة الدار

[enas]

بسم الله الرحمن الرحيم


بتمنى لكل المصابين الشفاء العاجل وبحيي رجال الشرطه على تفانيهم

في العمل وربي ينصرهم والى الامام وبحيي اخي سامى على نقل الخبر

اول بأول مشكور يا ريس....

بس لو في امكانيه انهم يأخدو عينه من الكلاب دي ويشرحوها ويعرفوا

الحاصل شنو عشان ما تتكرر الحكايه دي وحفاظا على أرواح المواطنين

وتجنبا للفزع والخوف حتى يستتب الامن في البلاد.