فترة الخطوبة ما لها و ما عليها.

[وسام]

طلبت منى الاخت ايناس فى جزء اخر من المنتدى ان نطرح هذا الموضوع للنقاش.
عشان كدة المشاركة ضرورية ومهمة.اتمنى تجاوب الجميع.
الموضوع هو فترة الخطوبة وما ادراك ما فترة الخطوبة.. السلبيات من كلا الطرفين..هل هى فترة تزيين وخداع....هل احياناً يحدث فيا تجاوزات للشرع والعرف....هل احياناً فيا مبالغات فى الصرف خصوصاً الهدايا والخروج والمناسبات...و... و... و....هل فترة الخطوبة سبب لفسخ الخطوبة..
نفتح الموضوع للحوار والنقاش ....وفى انتظاركم.

[enas]

بسم الله الرحمن الرحيم
وبه نستعين


بشكرك جزيل الشكر أخ وسام والحمد لله المره دي ركزته

وعاينته كويس أنا في منتدى الرأى والرأى الأخر .......لو

سمحته لى في البدايه أحب إني انقل بعض الأراء التي اعجبتني

ومن ثم سوف أدلو بدلوي.....


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات] 8%25AF%25D8%25A8%25D9%2584%2B%25D9%2588%25D9%2585% 25D8%25AD%25D8%25A7%25D8%25A8%25D8%25B3%26hl%3Dar% 26sa%3DN%26um%3D1)


الضوابط الشرعيه لرؤية المخطوبه

النظر إلى المخطوبة سنة، أمر به النبي صلى الله عليه وسلم، ولاسيما في وقتنا هذا؛ لأنه قلَّ من يثق به الإنسان من النساء، والذي ليس عنده أمانة وليس عنده دين يهون عليه أن يغش الناس.
و حتى لو أن الرجل أرسل امرأة ثقة كأمه وأخته وماأشبه ذلك، ولم تغشه، فإن الناس يختلفون؛ قد تكون المرأة جميلة عند شخص، وغير جميلة عند شخص آخر، الرغبات تختلف، والنظر يختلف، ولهذا أمر النبي صلى الله عليه وسلم الخاطب أن يرى من مخطوبته مايدعوه إلى التقدم في خطبتها، إلا أن العلماء اشترطوا لذلك شروطاً دلت عليها السنة:


الشرط الأول:
أن يكون عنده الرغبة الأكيدة في أن يتزوج، وليست نيته أن يطوف بنساء العالم، كأنما يريد أن يختار أمة يشتريها، يقول: أذهب لآل فلان وأشوف إن جازت أو أذهب للثاني والثالث والرابع، ويكون كأنه يريد أن يشتري سيارة من المعرض، بل لابد أن يكون عنده عزم أكيد على أن يخطب من هؤلاء القوم


الشرط الثاني:
أن يغلب على ظنه الإجابة، وهذا معلوم أنهم إذا مكنوه من النظر إليها فهم موافقون، وهذا الشرط إنما يكون فيما لو أراد الإنسان أن ينظر إلى امرأة بدون اتفاق مع أهلها


الشرط الثالث:
أن يكون ذلك بلاخلوة بأن ينظر إليها بحضرة أهلها، ولايحل له أن ينظر إليها بخلوة؛ لأن النبي صلى الله عليه وسلم الله عليه وسلم قال: ( لايخلون رجل بامرأة ) وأخبر أنه ماخلا رجل بامرأة أجنبية منه إلا كان ثالثهما الشيطان

الشرط الرابع:
أن يكون النظر إلى مايظهر، مثل: الوجه والرأس بما فيه الشعر والكفين والذراعين والقدمين وأطراف الساقين وماأشبه ذلك، ولاينظر إلى شيء آخر


الشرط الخامس:
ألا يتلذذ معها بمحادثة، سواء كان تلذذ تمتع، أو تلذذ شهوة والفرق بينهما أن تلذذ التمتع يجد الإنسان راحة نفسية في محادثة المرأة، وتلذذ الشهوة يجد ثوران الشهوة
وبعض الخطاب يتصل بمخطوبته عن طريق الهاتف ويبقى معها لا أقول ساعة أو ساعتين، بل ساعات يتحدث إليها، ويقول بعض الناس - معللاً ذلك- : أتحدث إليها لأعرف نفسيتها وأعرف دراستها.


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات] 8%25AF%25D8%25A8%25D9%2584%2B%25D9%2588%25D9%2585% 25D8%25AD%25D8%25A7%25D8%25A8%25D8%25B3%26hl%3Dar% 26sa%3DN%26um%3D1)

منقول


أين نحن من هذا الحديث أشعر بأن هذه الشروط تنطبق على

أقوام غيرنا بالله عليكم كيف تجدون حال المخطوبين

اليوم .......لقد كتبت في باب أخر من المنتدى وسوف اكتب

للمره الثانيه والثالثه والألف إن إستدعى الأمر أن وضع أغلب

المخطوبين في بلدنا مخجل جدا جدا من ناحية الخروج مع

الخطيب والإعتماد عليه في كل صغيره وكبيره للأسف الشديد

أجد أن دور الاب والام مفقود تماما يتركون المجال لإبنتهم

لتتصرف كما يحلو لها ويعتبرون أن هذا الخاتم وكأنه وثيقة

زواج رسميه... حريه مطلقه لا أجد لها مبرر كيف بالله عليكم

إذا مرضت إبنتكم تتركون هذا الخطيب ليذهب معها ويقوم هو

بتكاليف العلاج كيف يقوم الخطيب بشراء الدواء بلكيف يقوم

بإعطاءهامصروفها وشراء كل ما تحتاجه من ملابس

وإحتياجات دقيقه وخاصه وحساسه :icon28: كيف كيف كيف.... كيف

يقوم بدفع نفقة التعليم وإذا لا قدر الله لم تتوج هذه الخطبه

بالنجاح والزواج ماذا نتعتبر هذا الفعل حسنه من خطيبها

السابق ام ماذا....؟ قد يسألني بعض الأعضاء ممن يعلمون انني

مخطوبه أين انت من هذه الشروط فأجيب بكل أمانه كلنا نخطىء

لكن ليس بهذه الطريقه لا أجد خطىء إلاء في هذا الجهاز

الصغير (المكالمات التلفونيه )

نعيب زماننا والعيب فينا...... وما لزماننا عيب سوانا




[فقط الأعضاء المسجلين والمفعلين يمكنهم رؤية الوصلات]

[مني]

في البداية أحي وسام علي طرح هذا الموضوع المهم جداً..وثانياً الاخت إيناس علي هذة المداخلة الرائعة....

لغد تغير كثير من حال السودانين ..لا اقول كلهم بل جزء بسيط منهم...في هذا الموضوع ..فعلاً لماذا لا نمشي بشرع الله ..وبالطريقه الصحيحه لايصدق أحد عندما تتخطب إبنته ..ويقول الحمدلله جاء احد لكي يساعدني في المسؤولية ماذنب هذا الخاطب..لكي يتحمل مسوليتها وهي لم تبقا زوجته .. يترك له كل المصاريف
ولكن لا أحد يبالي فالاب مبسوط ..والام كذالك والبنت تخرج وتاتي علي كيفها ..وهو ياتي لكي يصتحبها ويذهب معها لمشاويرها ويوصلها ... وياتي الي المنزل في اي وقت يعجبه ... ولا يقدر ان ياتي ويده خالية ..ياتي وهو محمل بالاكياس واليد ملاياااانه .. وليس هذا فقط ياإيناس بال هناك من الفتيات بمن تضع فكرة انها لديها أحلام بإن تصلح من منزلها ووضعهم وهذا عن تجربة حصلت لقريبي وعن جد ...اين الاب الذي يحزم اين الاخ والوالدة؟؟؟ ...اذا كان الناس يمشون بالشرع الصحيح فإذا جمعنا هذا المال الذي انفقو في اشئاء لاتستاهل لكان تم العرس وانفقو هذا المال في حجات تنفعهم ... ثانياً أنا ضد فترت الخطوبة الطويل جداً لان بعضها هذه الخطوبات تاتي بالمشاكل ..ووجع الراس والاختلافات وصرف كثيييير من المال ... وفي الاخر تفشل الخطوبة.. ولكن بعد ماذا بعد خسائر وانفاق كثير من المال...
**********
ولدي عودة لان هذا الموضوع طويل ومشاكله كثيرة..ولانو بجد التعامل والبحصل في فترة الخطوبة دة مرات ماصاح

[وسام]

ايناس .. اشكر تطريزك للموضوع بهذه الحلة الزاهية من ماجاء فى شرعنا الحنيف..وجميل ان تكون هى البداية.واشكر حسك العالى والرقيق وانتى تغوصين فى السطور بكل جراءة وتأتى بالشفافية الظاهرة فى كل كلامك رغم انو الحقيقة مرة.
اشكر حضورك المميذ دوما على بريد صفحاتى.

[عبيد ابوقوته]

شكرا اخي وسام علي هذا الموضوع المميز والخطير جدا الذي بات منتشر جدا في مجتمعنا السودان الذي بات يارق كل الشباب ويمنع البعض من خوض هذه التجربه التي في بعض المرات تودي الي التجاني الماحي مباشر
والشكر موصول للاخت ايناس بكل هذه الشفافيه الجميله والسرد الجميل والانيق جدا ولم تبسط علي اساس انها امراه مخطوبه بل افاضة واجاده بمنتهي الصراحه والوضوح الذي قل مانجده هذه الايام من امراه مخطوبه
وشكرا جدا الاخت منويه علي الجمال في الاسلوب السلس وكم انا سعيد بهذه المداخلات
منكن جميلات بلادي
ولابد من مناقشة هذا الموضوع بمنتهي الحياديه والوضوح والشكر مره اخري لكل من سطر حرفا في هذا البوست المميز

[sunflower]

شكرا الاخت وسام والاخت ايناس على طرح الموضوع
ولسهولة العامية انا حاستخدما في التعليق والمناقشة

********
اول حاجة التجاوزات المخالفة للشريعة الإسلامية بتحصل قبل فترة الخطوبة زاتو ودة بإعتبار انو الولد باقي عليها ومؤكد انو حيجي لأهلها

أما عن فترة الخطوبة نفسها فانا سمعت بموضوع الطلعة والمرقة عمال على بطال لكن موضوع انو الخطيب يصرف عليها ويجيب ليها حاجاتا تصل لدرجة انو يتكفل بعلاجا اذا مرضت اتفاجأت بيهو واتفاجأت انو في أب بيرضى بالكلام دة .

احكي ليكم قصتين واقعيتين عن انو الاسرة بتقدر تسيطر على المواقف الزي دي:

القصة الاولى:
صحبتي ابوها ماعندو اصلا حاجة اسمها خطوبة /قبل 3 اسابيع كدة جاهو واحد قال ليهو عايز بتك (العريس صاحب ولدو) يعني بعرفو وكدة ويوم جاهو كان يو أربعاء قام قال ليهو نحنا بنعرفك جيب الرجال يوم السبت والعقد يوم التلاتاء الجاي وبس جيب اهلك معاك والعقد انا متكفل بأي حاجة فيهو لانها بتي والضيوف جايني في بيتي والمهر اديهو ليها في يدها
(يعني فترة الخطوبة كانت اسبوع) والفترة دي اخت صحبتي لاطلعت مع خطيبا لاجاب ليها حاجة ولابطيخ /إمكن واحدين يقولو العلاقة دي ما حتنجح وعشان اثبت ليكم اخوات العروس الاكبر منها الاتنين عرسو بنفس الطريقة وهسي ما شاء الله فاتحين بيوتم وباولادم

القصة التانية:
دي برضو اخت صحبتي التانية (نحنا في الاسرة مافي مناسبات خطوبة لبنات لانهم كلهم صغار)
اها دي ابوها اخف شوية الخطوبة تمت واتفقوا انو العرس حيكون في العيد يعني بعد 3 شهور كدة / اها لمن تكون دايرة تطلع ممنوع منعا باتا انها تطلع كان ما صحبتي (يعني اختا ) ما طلعت معاها يعني شرط عدم وجود خلوة اتحقق ولو داير يقول ليها حاجة يجي يقولا ليها في البيت المهم انو هي هسي متزوجة وعايشة تمام

الحاجة الداير أصل ليها من الكلام دة كلو انو المواضيع دي ممكن الناس تسيطر عليها والسيطرة دي بتنبع من البت نفسها وأسرتا.

وشكرا

[وسام]

منى. سلمت يداك...وهى سلبيات نعيشها ونعايشها كثيراً . مرورك على الموضوع وضع السلبيات الملاحظة.. وهى طبعاً نمازج موجودة... فى انتظار مذيد من الاراء فى الموضوع.
اشكرك كثيراً.

[وسام]

صدقت اخى عبودى. الموضوع مهم وبشكر ثنائك على المشاركين بهذا البوست.
الاخت زهرة الشمس sunflower جميل انك جبتى الجانب الايجابى للخطوبة.. واقدر جداً وجهة نظرك...وما اكثر هذه النمازج فى بلادنا العامرة... حتى لايكون تناولنا للموضوع من نظرة سالبة فقط.... والقصص كتيييييييييييييييييرة.
لكم جميعاً منى كل الود

[مني]

صن فلور ...كلامك كلو في محلو ..أنو الموضوع ده في يد البت واهلها وهم بحسمو القصه دي حتي ولو كانت فترة الخطوبة طويلة .. ودي كلها اتفاقات تكون من اول يوم يجي الخاطب في الي البيت .. يعني يكلمو من اول ماف طلعة .. واذا في شئ ومهم تعال البيت قولو ليها وهي قدام اهلها ...لكن والله ياناس البنات دي مابسمعو الكلام ..الوحده ممكن تكذب علي اهلها عشان تتطلع تلاقيو .. الوحده تسمع كلام صحباتا وانتي لي مابتلاقيو ولي مابتشوفيو وكدا يخليك ومليييييون قصه يقولوها ليها ..
انا مابخت كل اللوم علي البت الولد زاتو جزء من القصه دي بس انا اتمنا انو البت ماتسمع كلام الغير وتخلي ثقتها باهلها كبيرة فيها... وتانياً هو الخطيب ده عارف انو اهل البت ديل اتفقو معاو علي كلام هو يكون محل الثقه دي هو زاتو يرفض انو يلاقيها ؟؟؟
انا اقول ليكممثل بسيط ..اخوي اتزوج قبل سنتين ...والله البت لابعرفها لاشافها ..بس هي أخت صحبو ..وما شافها ..يوم مشينا معاو انا واختي شافها ..وقال لي اخوها انا دايرها ... وسالو البت وافقت وقعد معاها مرة وحدة وانحنا كنا موجودين ..ومن اليوم الخطبها ماشافها الا يوم العرس ..حتي اهلها قالو ليو كل شئ يتعمل في يوم واحد والموضوع بنتهي ...
لكن لو اي بت قبلت بالبسيط ماكان حصل ده كلو وتحصل مشاكل في الخطوبة ..لكن قولي لي تقبل كيف كان اي وحده دايره يعملو ليها زي فلانه ...

[منوون]

تسلمو يا غاليين على الموضوع الاجتماعي المميز
وفترة الخطوبة على ما بسمع انها من اجمل فترات الحياة لانه الناس بكونو عارفين الجاي بعدها من مسؤليات ومشاكل ..لكن طبعا ما معنى كدة انها يكون فيها تجاوزات للدين وللشرع
وما عارفة انا عندي رأي ..حكاية انه الاهل بمجرد ما بتهم تتخطب بيرمو مسؤليتها بالكامل على الخطيب ... يا جماعة الزول ده لو الاهل ما لقوه انسان عاوز يتحمل المسؤلية وبتمنى انه يقدم اي شي يسعد خطيبتو اكيد ما كان اعتمدو عليهو ..واكيد الحكاية دي ما جبرية يعني لو ما هو الكان عاوز كدة ما كان هم جبروه ...وبعدين الناس دايما بتفترض حسن الظن .. وانه الخطوبة دي حتترجم لزواج والناس جادين في الامر ...
وبعدين حاجة مهمة ما تنسو طبيعة مجتمعنا مجتمع مفتوح ..يعني حكاية النظرة وانه يشوفا او ما يشوفا .. الواحدة اصلا بدون خطوبة بتقابل ود الجيران وزميلا في الجامعة وزميلا في العمل واولاد عمها و..و.. وطبيعة الناس السودانين وبساطتهم برضة حاجة مهمة .. يعني تلقي الاسرة ممكن تعتمد على ود الجيران اذا احتاجو لزول يوصل بتهم او يقضي ليها خدمة .. وبيشوفوه زي ولدهم بالظبط ..فما بالكم بخطيب بتهم ؟؟
الحكاية كلها بتعتمد على طريقة التعامل .. والحدود اللي البت بتسمح لخطيبها انها يعاملا بيها .. لو الطرفان التزمو بالحدود العامة البيرضى عنها المجتمع .. اكيد فترة الخطوبة حتكون اسعد ايام العمر

[enas]

[فقط الأعضاء المسجلين والمفعلين يمكنهم رؤية الوصلات]اقتباس[فقط الأعضاء المسجلين والمفعلين يمكنهم رؤية الوصلات]المشاركة الأصلية كتبت بواسطة منوون[فقط الأعضاء المسجلين والمفعلين يمكنهم رؤية الوصلات]تسلمو يا غاليين على الموضوع الاجتماعي المميز
وفترة الخطوبة على ما بسمع انها من اجمل فترات الحياة لانه الناس بكونو عارفين الجاي بعدها من مسؤليات ومشاكل ..لكن طبعا ما معنى كدة انها يكون فيها تجاوزات للدين وللشرع
وما عارفة انا عندي رأي ..حكاية انه الاهل بمجرد ما بتهم تتخطب بيرمو مسؤليتها بالكامل على الخطيب ... يا جماعة الزول ده لو الاهل ما لقوه انسان عاوز يتحمل المسؤلية وبتمنى انه يقدم اي شي يسعد خطيبتو اكيد ما كان اعتمدو عليهو إنت يا منوون شايفه الكلام البلون الأحمر ده دي فترة خطوبه وفيها الشرع لم يكلف الخطيب بالصرف على المخطوبه إلا بعد عقد القران ..واكيد الحكاية دي ما جبرية يعني لو ما هو الكان عاوز كدة ما كان هم جبروه لكن يا منوون وين الكرامه والله ما فاضل كمان إلا يجبروهو ...وبعدين الناس دايما بتفترض حسن الظن .. وانه الخطوبة دي حتترجم لزواج والناس جادين في الامر ...ولو ما تم الزواج ده لأى ظرف من الظروف أين ماء الوجه؟
وبعدين حاجة مهمة ما تنسو طبيعة مجتمعنا مجتمع مفتوح اخخخخخخخ هنا مربط الفرس مجتمع مفتوح ..يعني حكاية النظرة وانه يشوفا او ما يشوفا .. الواحدة اصلا بدون خطوبة بتقابل ود الجيران وزميلا في الجامعة وزميلا في العمل واولاد عمها و..و..المقابله شىء والتكليف وتخطي الخطوط الحمراء في امور كتيره شىء أخر... وطبيعة الناس السودانين وبساطتهم برضة حاجة مهمة ..مهمه للأسف يعني تلقي الاسرة ممكن تعتمد على ود الجيران اذا احتاجو لزول يوصل :icon28: بتهم او يقضي ليها خدمة :eek3:.. وبيشوفوه زي ولدهم بالظبط الكلام ده مرفوض شرعا وللاسف مقبول في عرفنا ..فما بالكم بخطيب بتهم :clap::clap::clap:؟؟
الحكاية كلها بتعتمد على طريقة التعامل .. والحدود اللي البت بتسمح لخطيبها انها يعاملا بيها .. لو الطرفان التزمو بالحدود العامة البيرضى عنها المجتمع .. اكيد فترة الخطوبة حتكون اسعد ايام العمر ..لو تفتح باب الشيطان وبدل ما تكون الفتره دي أسعد أيام العمر حا تكون من أتسع أيام العمرمنون العسل اااااااااسفه جدا للمداخله لكن اختلاف الرأى لا يفسد للود قضيه :flowers:
[فقط الأعضاء المسجلين والمفعلين يمكنهم رؤية الوصلات]

[sunflower]

تسلمو يا غاليين على الموضوع الاجتماعي المميز
وفترة الخطوبة على ما بسمع انها من اجمل فترات الحياة لانه الناس بكونو عارفين الجاي بعدها من مسؤليات ومشاكل ..لكن طبعا ما معنى كدة انها يكون فيها تجاوزات للدين وللشرع
وما عارفة انا عندي رأي ..حكاية انه الاهل بمجرد ما بتهم تتخطب بيرمو مسؤليتها بالكامل على الخطيب ... يا جماعة الزول ده لو الاهل ما لقوه انسان عاوز يتحمل المسؤلية وبتمنى انه يقدم اي شي يسعد خطيبتو اكيد ما كان اعتمدو عليهو ..واكيد الحكاية دي ما جبرية يعني لو ما هو الكان عاوز كدة ما كان هم جبروه ...وبعدين الناس دايما بتفترض حسن الظن .. وانه الخطوبة دي حتترجم لزواج والناس جادين في الامر ...

[/color][/size][/font]

شكرا على المشاركة في اثراء النقاش

لو هو يعني بجيب هدايا مرة مرة مامشكلة فالمشكلة هي انو اهل البت أو ابت نفسها تطلب منو طوالي انو يجيب ليها حاجاتا

وحتى لو عايز يقدم اي حاجة ما بتصل لدرجة انو هو يسوقا يوديها الدكتور ويتكفل بعلاجا المطلوب منو بس يجي يطمن عليها

[وسام]

اخوتى...لكم التحية على الردود والمشاركة وابداء وجهات النظر المتباينة.
فى قصة حكيتا فى الكرسى الساخن حبيت اجيبا ليكم هنا عشان نفك الروتين بتاع السلبيات والايجابيات.. اعتبرو break نضحك فيو شوية.
قصة فى شكل تخريمة...((( واحد قال لى ولدو .ياولدى انت مالك ماداير تعرّس لحدى هسا..الولد قال ليو مالاقى بت الحلال.....ابوه قال ليو بالمناسبة. مافى بت حلال. الام سامعاهو. قالت ليو ياراجل كيف يعنى مافى بت حلال..قال للولد. الا تلقا واحدة زى امك دى..الام قالت ليو .. والله ما بيلقا...فرد الاب.عشان كدة زى ماقلت ليك مافى بت حلال....اتوكل عرّس بس))).