عيون من داخل الوطن

[أبوالشوش زول نصيحة]

هههههه والله ياأحبة عجبتي تسمية القسم دا ((( عيون الوطن )))

وإستفذتني فكرة الدخول بس عيون الوطن ماكلها ( مغتربين ) ههه والنصيحة لي الله الوطن مابشوفوا
إلا الإسطلا بنار هجيره وتوضى بعذوبة ماءه ففي الوطن يحلى شوف الوطن
فسأكون هنا لأرسم صورة حقيقية لكن المغتربين المهمومين بالوطن

وباب المشاركة طبعاً مفتوح للجميع بدون فرز إلا المغتربين عشان هم ماشايفين حاجة
مايسمعوا لي كلام الاعلام ويجيبوه لينا هنا ؛؛ نحن دايرين شغل حي مباشر يعني

[enas]

طيب يا ابو الشوش نحترم وجهة نظرك وورينا البحصل واللي نحن ماشايفنوا عايزين نشوف السودان بعيون ابناء السودان
نفسي اتعرف عليه سياحه / اقتصاد / اعمال / طموح /قرى / حضر.....
هيا انطلق ونحن في ترقب

[أبوالشوش زول نصيحة]

هههههه يعني إعتمدتوا لي البوست تمام التمام

وأبوالشوش زول النصيحة جاهذ للمهام

ترغبوا التقرير رقم (( 1 ))

[ايتو فيست]

:dull8ay:هههههه والله ياأحبة عجبتي تسمية القسم دا ((( عيون الوطن )))

وإستفذتني فكرة الدخول بس عيون الوطن ماكلها ( مغتربين ) ههه والنصيحة لي الله الوطن مابشوفوا
إلا الإسطلا بنار هجيره وتوضى بعذوبة ماءه ففي الوطن يحلى شوف الوطن
فسأكون هنا لأرسم صورة حقيقية لكن المغتربين المهمومين بالوطن

وباب المشاركة طبعاً مفتوح للجميع بدون فرز إلا المغتربين عشان هم ماشايفين حاجة
مايسمعوا لي كلام الاعلام ويجيبوه لينا هنا ؛؛ نحن دايرين شغل حي مباشر يعني

[ايتو فيست]

اذا بكى القلم ابتسمت الكتب

[أبوالشوش زول نصيحة]

يوم 9 / 7 / 2011 م يوم الفصل الحقيقي لدولة السودان
(((( شمال وجنوب ))))
ولا أدري إن كنا جاهزون لدفع ضريبة هذا الفصل أم لا ،،،


أفصلوهو وريِّحونا

ك / عمر قرافي

يا بلد ماحلة وحزينة هاكى كلمة وجـد رزينة
كلمة زى دمع المآقى نازلة جـوف الليل سخينا
كلمة زى وجع التلاقى فــى الدريبات المشينة
كلمة زى صوت السواقى الما بنسمعوا فى المدينة

كلمة واحدة بدون بواقى كلمة سكنت جوَّة فينا
يا البقيتوا حكومــــــة لينا أفصلوهو وريِّحونا

أفصلوا العلَّمنا إنِّو نبــقى عـنوان للهزيمــة
أفصلوا العذبنا دائماً ومــا لقينا وراهو قيمة
شال عُزاز الناس علينا ونحن فى الذكرى الأليمة
إنت يا هيكل منارك جوَّة فى الوجدان عزيمة

ويا أمير يا ود شرقنا يا قمر حاجباهو غيمة
وانت يا عاطف حليلك يا حليل رجل الشكيمة
ونحن بى ذكرى الحبائب ولسَّة فى النبرة القديمة
يا البقيتوا حكـومـــة لينا أفصلوهو وريِّحونا

نحن سلفا علينا حرمان وأصلوا ما بنخضع لباقان
والعفين الاسموا عرمان نحن ما بيحكمنا سجمان
نحن شعب جهادوا معروف ما بيمشى عليهو طغيان
نحن شعب النيل مواكب شعب بالعز ليهو تيجان

وبكرة ينهض من سباتوا وسيلوا يهدر جوَّة وديان
وتانى يتبختر يردِّد ويملأ كـــلَّ السَّاحة بركان
يا البقيتوا حكومــــــــة لينا أفصلوهو وريِّحونا

يا عريمان نحـن ضدَّك حتّى لو كان فتُّو حدَّك
شعبى جاهز شان يصدَّك وبكرة يبقى الدوشكا ردَّك
إنت ردِّد فينا وعــــــدك الا دين المولى بُعدك
إنت يا حفرة خيانة جــــــاىِّ تكرب فينا زِندك

يا حليل الشُّهداء ماتوا وخلَّفوا البيقعدوا عندك
وبكرة تسمع يا اضينة كلمــــة الحق المتينة
يا البقيتوا حكومــــة لينا أفصلوهو وريِّحونا

نحن ما خضنا المعامع وارتضينا صدى المدافع
وعشنا فى ألم المواجع الا شان نبنيهو جامع
ونملأ بالآذان مسامع ونبقى غصَّة لكلِّ طامع

الا وكتين أصلوا راجع يبقى للوسكى المصانع
وتُهدم أركان الجوامع وتبقى بس فيهو الصَّوامع
وكل كافر فيهو طامع ولليهود راح يبقى خاضع
يبقى قولة الحكمــــة لينا أفصلوهو وريِّحونا

الدين ده ياخ ما حق أبونا الدين ده شرعة وجد متينة
يا تمِسْكوا الدِّين حقيقة ولا ياخ بــــس أعتقونا
نحن شعب الدين أصولوا ومـا بنخضع للاضينة
وبكرة قــول الحق نقولوا ونرفع الراية الأمينة

ونسكب الدم فى سبيلوا وبيهوا نصدع فى المدينة
يا ســـــلام عــــادل نجيكم ولا بالكوماج تجونا
يا البقيتوا حكومــــــــــة لينا أفصلوهو وريِّحونا